Bílar

Bjalla sem er 2,1 sekúndur í hundraðið

Finnur Thorlacius skrifar
Afar kraftaleg Bjalla, enda ofuröflug.
Afar kraftaleg Bjalla, enda ofuröflug.
Fáar Bjöllur hafa talist ofurbílar hingað til, en þessi verður að teljast það. Bíll sem fer í 100 km hraða á 2,1 sekúndu á sæti í þeim flokki. Ekki er það þó svo að hann sé fjöldaframleiddur af Volkswagen heldur er þessi bíll sérframleiddur til keppni á malbikuðum akstursbrautum.

Vél hans, sem er miðjusett í bílnum, er aðeins með 1,6 lítra sprengirými í fjórum strokkum en úr þeim eru kreist 544 hestöfl. Það hjálpar snerpu hans að hann vegur aðeins 1.225 kíló, þrátt fyrir veltigrindina sem í honum er.

Hann er fjórhjóladrifinn og með 6 gíra beinskiptingu, útbólgin bretti, risastóra vindskeið og fjöðrun hans hefur hvorki meira né minna en 23 cm slaglengd.  Þó þessi keppnisbíll hafa þegar verið kynntur til leiks í keppnisröð Red Bull, verður honum ekki ekið í þeim fyrr en seint á þessu ári. Ökumenn verða ekki ófrægari menn en Tanner Faust og Scott Speed, en þeir verða að sætta sig við að aka Volkswagen Polo bílum fram að því.

Mest lesið




×

Mest lesið