Nýta tímann sinn misvel

Verkfall framhaldsskólakennara stendur yfir og hafa framhaldsskólanemar verið duglegir við að birta myndir á samfélagsmiðlum merktar verkfallinu.

Sett hefur verið á fót vefsíðan verkfall.is þar sem slíkum myndum er safnað saman.

Sumir nýta tímann til þess að læra á meðan aðrir safna sér saman á kaffihúsum eða fara í hópferð í sumarbústað.

Einn framhaldsskólanemi hefur meira að segja sett sér það markmið að finna týndu malasísku farþegaþotuna og annar nýtir tímann til þess að smíða nýtt húsgagn.

Hægt er að sjá brot af myndunum hér að neðan.