Umfjöllun og viðtöl: Afturelding - HK 22-25 | Botnliðið skellti toppliðinu Henry Birgir Gunnarsson í N1-höllinni skrifar 23. október 2014 15:41 Vísir/Stefán Afturelding tapaði sínum fyrsta leik í Olís-deild karla í kvöld er botnlið HK kom í heimsókn í Mosfellsbæinn. Það voru ekki margir sem áttu von á því að botnlið HK færi að stríða toppliði Aftureldingar en annað kom á daginn. HK-ingar mættu geysilega vel stemmdir og til í að gera Mosfellingum lífið leitt. Það er nákvæmlega það sem þeir gerðu. Leikurinn var frekar illa spilaður af beggja hálfu en ótrúlegt markvarsla Lárusar Helga í marki HK gerði gæfumuninn fyrir HK. Lárus varði 12 bolta í fyrri hálfleik og var með 60 prósent markvörslu. Að minnsta kosti helmingur þessara skota var úr dauðafærum. Mögnuð frammistaða. HK gat leyft sér að tapa boltanum ítrekað á klaufalegan hátt en var samt með forskot í leiknum. Mest var forskotið fjögur mörk, 7-11, en þrem mörkum munaði á liðunum í leikhléi, 8-11. Sóknarleikur HK var ekkert sérstakur en liðið var komið með gott sjálfstraust í lok hálfleiksins. Aftur á móti allt í molum hjá Aftureldingu í sókninni. Það var allt annað að sjá Mosfellinga í upphafi síðari hálfleiks. Meiri hraði og grimmd. Það tók þá aðeins tíu mínútur að jafna leikinn, 15-15. Þá féll þeim allur ketill í eld og allt fór í sama farið. Liðið fór að tapa boltanum klaufalega hvað eftir annað og HK komst á bragðið. Þegar tíu mínútur lifðu leiks var HK komið með fjögurra marka forskot á ný, 17-21. Afturelding reyndi allt sem liðið gat til að jafna leikinn. Meðal annars að spila á sjö mönnum í sókn. Þegar leikurinn virtist vera búinn gaf HK færi á sér. Gríðarlegt stress kom í leikmenn og þeir hleyptu Aftureldingu aftur inn í leikinn. Munurinn aðeins eitt mark þegar mínúta var eftir. Eftir mikinn darraðardans á lokamínútunni náði HK að landa þriggja marka sigri sem var alls ekki eins öruggur og lokatölurnar segja. Sigurinn þó fyllilega verðskuldaður. HK mætti með viljann að vopni og bar enga virðingu fyrir toppliðinu. Liðið barðist grimmilega og sótti af hugrekki lengstum. Liðið hefði þó aldrei unnið leikinn án stórleiks Lárusar í markinu. Sá var magnaður. Garðar skoraði góð mörk og lét fjölmarga feila ekki slá sig út af laginu. Afturelding var aldrei líkt sjálfu sér í dag. Það er eiginlega galið að tala um vanmat en það leit þannig út. Leikur beggja liða var alls ekki gallalaus en mistök Mosfellinga voru allt of mörg. Það er búið að hampa þeim mikið víða og ef mið er tekið af þessum leik þá virðast þeir ekki höndla pressuna. Þetta var aftur á móti bara einn leikur og verður áhugavert að sjá hvernig Afturelding svarar þessu tapi.Lárus: Fór um mig á tímabili "Ég fór í klassískan leikdags Serrano. Það gerði mér greinilega gott," segir Lárus Helgi Ólafsson, markvörður HK, og hlær dátt. Sú máltíð virkaði heldur betur því hann fór algjörlega á kostum í kvöld. "Þetta var frábær liðssigur. Það gekk mjög vel hjá mér og sérstaklega í dauðafærunum. Það var stór plús. Ef vörnin er sterk verða færin þrengri," sagði Lárus en málið er samt að vörnin var ekkert alltaf of sterk. Þess vegna var hann einmitt að verja heilan haug af dauðafærum. "Ég lýg því ekki að það fór um mig á tímabili undir lokin. Mér fannst við vera hættir að sækja á markið og vorum að missa boltann klaufalega." Eins og von var fagnaði HK sigrinum hreint ógurlega. Liðið mátti vel við því. Óvæntur og flottur sigur sem gefur liðinu byr í seglin. "Þú getur rétt ímyndað mér hvað þetta gefur okkur mikið. Eftir að hafa aðeins unnið einn leik þá var virkilega gaman að vinna. Þó svo það hafi gengið illa þá hafa allir verið léttir á æfingum og ekki fýlusvipur á neinum. Það verður heldur ekki eftir þennan leik."Einar Andri: Vorum andlega fjarverandi "Þetta var mjög slakur leikur af okkar hálfu. Þetta var langt frá því sem við höfum verið að gera að undanförnu," segir svekktur þjálfari Aftureldingar, Einar Andri Einarsson. "Mér fannst við vera andlega fjarverandi í leiknum. Við erum með 21 tapaðan bolta og gerum óskiljanleg, barnaleg mistök. Það segir mér að við vorum ekki tilbúnir í slaginn." Það er mikið búið að láta með liðið eftir frábæra byrjun á tímabilinu. Getur Einar Andri skrifað þetta tap á vanmat? "Ég trúi því ekki að það sé vanmat hjá okkur. Það þarf að setjast alvarlega yfir hvað var að í kvöld. Ég tek samt ekkert af HK sem var að berjast. Þetta var samt bara einn leikur og það geta allir unnið alla í þessari deild. Við ætlum ekkert að grafa okkur of djúpt eftir þetta en við verðum samt að draga lærdóm af þessu. "Við fengum tækifæri til að snúa þessu við en við áttum ekkert meira skilið. Ég skrifa þetta tap á slaka frammistöðu leikmanna." Olís-deild karla Mest lesið Meðvitaður um stöðu sína hjá Man Utd en vill ólmur vera áfram Enski boltinn „Þreytuleg mistök og fáum þrjú mörk á okkur í seinni“ Fótbolti Telur sig eiga heima í íslenska landsliðinu Handbolti Uppgjör: Holland - Ísland 4-0 | Hollendingar fara dansandi inn á EM Fótbolti Óhugnanlegt slys á Íslandsmeistaramótinu í kappakstri mótorhjóla Sport Myndaveisla frá veisluhöldum Hollands í Rotterdam Fótbolti Åge eftir tapið í Rotterdam: Höfðum ekki sama hraða og á Wembley Fótbolti Skúli Óskarsson er látinn Sport „Þeir eru bara með gæði fram á við og í öllu liðinu“ Fótbolti „Þreytumerki eftir að þeir skoruðu þriðja markið“ Fótbolti Fleiri fréttir Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Karabatic skaut niður markvörðinn í síðasta skoti ferilsins Tveir Færeyingar til silfurliðsins Íslandsmeistarinn Aron er hvergi nærri hættur Gummi Gumm velur Höllu Hrund í liðið sitt Magdeburg meistari eftir stórsigur í Mannheim Guðjón Valur kom Gummersbach í Evrópukeppni Óðinn og félagar náðu ekki að tryggja sér titilinn Sjá meira
Afturelding tapaði sínum fyrsta leik í Olís-deild karla í kvöld er botnlið HK kom í heimsókn í Mosfellsbæinn. Það voru ekki margir sem áttu von á því að botnlið HK færi að stríða toppliði Aftureldingar en annað kom á daginn. HK-ingar mættu geysilega vel stemmdir og til í að gera Mosfellingum lífið leitt. Það er nákvæmlega það sem þeir gerðu. Leikurinn var frekar illa spilaður af beggja hálfu en ótrúlegt markvarsla Lárusar Helga í marki HK gerði gæfumuninn fyrir HK. Lárus varði 12 bolta í fyrri hálfleik og var með 60 prósent markvörslu. Að minnsta kosti helmingur þessara skota var úr dauðafærum. Mögnuð frammistaða. HK gat leyft sér að tapa boltanum ítrekað á klaufalegan hátt en var samt með forskot í leiknum. Mest var forskotið fjögur mörk, 7-11, en þrem mörkum munaði á liðunum í leikhléi, 8-11. Sóknarleikur HK var ekkert sérstakur en liðið var komið með gott sjálfstraust í lok hálfleiksins. Aftur á móti allt í molum hjá Aftureldingu í sókninni. Það var allt annað að sjá Mosfellinga í upphafi síðari hálfleiks. Meiri hraði og grimmd. Það tók þá aðeins tíu mínútur að jafna leikinn, 15-15. Þá féll þeim allur ketill í eld og allt fór í sama farið. Liðið fór að tapa boltanum klaufalega hvað eftir annað og HK komst á bragðið. Þegar tíu mínútur lifðu leiks var HK komið með fjögurra marka forskot á ný, 17-21. Afturelding reyndi allt sem liðið gat til að jafna leikinn. Meðal annars að spila á sjö mönnum í sókn. Þegar leikurinn virtist vera búinn gaf HK færi á sér. Gríðarlegt stress kom í leikmenn og þeir hleyptu Aftureldingu aftur inn í leikinn. Munurinn aðeins eitt mark þegar mínúta var eftir. Eftir mikinn darraðardans á lokamínútunni náði HK að landa þriggja marka sigri sem var alls ekki eins öruggur og lokatölurnar segja. Sigurinn þó fyllilega verðskuldaður. HK mætti með viljann að vopni og bar enga virðingu fyrir toppliðinu. Liðið barðist grimmilega og sótti af hugrekki lengstum. Liðið hefði þó aldrei unnið leikinn án stórleiks Lárusar í markinu. Sá var magnaður. Garðar skoraði góð mörk og lét fjölmarga feila ekki slá sig út af laginu. Afturelding var aldrei líkt sjálfu sér í dag. Það er eiginlega galið að tala um vanmat en það leit þannig út. Leikur beggja liða var alls ekki gallalaus en mistök Mosfellinga voru allt of mörg. Það er búið að hampa þeim mikið víða og ef mið er tekið af þessum leik þá virðast þeir ekki höndla pressuna. Þetta var aftur á móti bara einn leikur og verður áhugavert að sjá hvernig Afturelding svarar þessu tapi.Lárus: Fór um mig á tímabili "Ég fór í klassískan leikdags Serrano. Það gerði mér greinilega gott," segir Lárus Helgi Ólafsson, markvörður HK, og hlær dátt. Sú máltíð virkaði heldur betur því hann fór algjörlega á kostum í kvöld. "Þetta var frábær liðssigur. Það gekk mjög vel hjá mér og sérstaklega í dauðafærunum. Það var stór plús. Ef vörnin er sterk verða færin þrengri," sagði Lárus en málið er samt að vörnin var ekkert alltaf of sterk. Þess vegna var hann einmitt að verja heilan haug af dauðafærum. "Ég lýg því ekki að það fór um mig á tímabili undir lokin. Mér fannst við vera hættir að sækja á markið og vorum að missa boltann klaufalega." Eins og von var fagnaði HK sigrinum hreint ógurlega. Liðið mátti vel við því. Óvæntur og flottur sigur sem gefur liðinu byr í seglin. "Þú getur rétt ímyndað mér hvað þetta gefur okkur mikið. Eftir að hafa aðeins unnið einn leik þá var virkilega gaman að vinna. Þó svo það hafi gengið illa þá hafa allir verið léttir á æfingum og ekki fýlusvipur á neinum. Það verður heldur ekki eftir þennan leik."Einar Andri: Vorum andlega fjarverandi "Þetta var mjög slakur leikur af okkar hálfu. Þetta var langt frá því sem við höfum verið að gera að undanförnu," segir svekktur þjálfari Aftureldingar, Einar Andri Einarsson. "Mér fannst við vera andlega fjarverandi í leiknum. Við erum með 21 tapaðan bolta og gerum óskiljanleg, barnaleg mistök. Það segir mér að við vorum ekki tilbúnir í slaginn." Það er mikið búið að láta með liðið eftir frábæra byrjun á tímabilinu. Getur Einar Andri skrifað þetta tap á vanmat? "Ég trúi því ekki að það sé vanmat hjá okkur. Það þarf að setjast alvarlega yfir hvað var að í kvöld. Ég tek samt ekkert af HK sem var að berjast. Þetta var samt bara einn leikur og það geta allir unnið alla í þessari deild. Við ætlum ekkert að grafa okkur of djúpt eftir þetta en við verðum samt að draga lærdóm af þessu. "Við fengum tækifæri til að snúa þessu við en við áttum ekkert meira skilið. Ég skrifa þetta tap á slaka frammistöðu leikmanna."
Olís-deild karla Mest lesið Meðvitaður um stöðu sína hjá Man Utd en vill ólmur vera áfram Enski boltinn „Þreytuleg mistök og fáum þrjú mörk á okkur í seinni“ Fótbolti Telur sig eiga heima í íslenska landsliðinu Handbolti Uppgjör: Holland - Ísland 4-0 | Hollendingar fara dansandi inn á EM Fótbolti Óhugnanlegt slys á Íslandsmeistaramótinu í kappakstri mótorhjóla Sport Myndaveisla frá veisluhöldum Hollands í Rotterdam Fótbolti Åge eftir tapið í Rotterdam: Höfðum ekki sama hraða og á Wembley Fótbolti Skúli Óskarsson er látinn Sport „Þeir eru bara með gæði fram á við og í öllu liðinu“ Fótbolti „Þreytumerki eftir að þeir skoruðu þriðja markið“ Fótbolti Fleiri fréttir Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Karabatic skaut niður markvörðinn í síðasta skoti ferilsins Tveir Færeyingar til silfurliðsins Íslandsmeistarinn Aron er hvergi nærri hættur Gummi Gumm velur Höllu Hrund í liðið sitt Magdeburg meistari eftir stórsigur í Mannheim Guðjón Valur kom Gummersbach í Evrópukeppni Óðinn og félagar náðu ekki að tryggja sér titilinn Sjá meira
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“