McDonalds á undir högg að sækja í Rússlandi

McDonalds hamborgarakeðjan á undir högg að sækja á skyndibitamarkaðinum í Rússlandi vegna aukinnar samkeppni.

Það eru aðrar skyndibitakeðjur á borð við Subway, Burger King og Wendy´s  sem sækja hratt inn á rússneska markaðinn. McDonalds hefur í hyggju að bregðast við þessu með að leigja út vörumerki sitt til rússneskra samstarfsmanna í fyrsta sinn í 23 ár, að þvi er segir á vefsíðu börsen.

Þegar Mcdonalds opnaði fyrsta hamaborgastað sinn við Pushkin torg í Moskvu fyrir 23 árum síðan voru stöðugar biðraðir fyrir framan hann næstu fjögur árin. Slíkar biðraðir hafa ekki sést síðan.

Sem dæmi um hina harðandi samkeppni má nefna að McDonalds hefur opnað 356 hamborgarastaði á undanförnum 23 árum í Rússlandi. Til samanburðar má nefna að á síðustu þremur árum hefur Subway opnað 432 staði í landinu undir sínu vörumerki.