Varadekkið hverfur á afturhleranum og hann opnast upp en ekki til hliðar.
Toyota RAV4 er einn mest seldi jepplingur á Íslandi og eflaust margir kátir eigendur þess bíls sem bíða spenntir eftir nýrri fjórðu kynslóð bílsins sem kemur til landsins í mars. Oft hefur RAV4 bíll Toyota verið talinn talinn sá bíll er ruddi brautina fyrir jepplinga, en sá flokkur bíla er sá er hraðast vex í heiminum nú.
Bíllinn verður með 2,5 lítra fjögurra strokka vél sem skilar 176 hestöflum, 26 hestöflum meira en í RAV4 í dag. Sjálfskiptingin verður 6 gíra. Bíllinn verður lægri til þaksins og allur sportlegri. Ein mest afgerandi breytingin á bílnum er að varadekkið á afturhleranum hverfur og hlerinn mun ekki opnast til hliðar heldur upp. Mikil breyting er á innanrými bílsins og fullyrða má að hann er mun fagurri en forverinn. Sex tommu upplýsingaskjár með innbyggðri bakkmyndavél verður staðalbúnaður í bílnum.
