Leikur mömmuna í Fifty Shades of Grey

Leikkonan Marcia Gay Harden er búin að næla sér í hlutverk í kvikmyndinni Fifty Shades of Grey sem byggð er á samnefndri skáldsögu eftir E.L. James. Marcia, 54 ára, mun leika Dr. Grace Trevelyan Grey, móður aðalkarlhetjunnar Christian Grey sem leikinn er af Jamie Dornan. Með hlutverk systkina Christian fara Luke Grimes og Rita Ora en enn á eftir að afhjúpa hver leikur föður hans.

Þá leikur nýstirnið Dakota Johnson hina hlédrægu Anastasiu Steele sem kolfellur fyrir Christian. Tökur á myndinni hófust í Vancouver í Kanada síðasta sunnudag en áætlað er að frumsýna hana í febrúar árið 2015.