Margt býr í myrkrinu Ólöf Skaftadóttir skrifar 10. september 2013 09:17 Foreldrar mínir bjuggu um skeið í Malaví í Afríku. Þar hefur tíminn að sumu leyti staðið í stað og pabbi hefur sagt mér að fólk hefur ekki fjarlægst náttúruna með sama hætti og við. Þar sögðust foreldrar mínir hafa kynnst fólki sem var ánægðara með sitt hlutskipti en nokkur annar sem þau þekktu, þó að fátækt og mannskæðir sjúkdómar væru hluti af þeirra daglega lífi. Foreldrar mínir hafa sagt mér margar sögur af samspili dýra og fólks í þorpum við Malavívatn. Þar er flóðhesturinn til að mynda gjarnan ógnvaldur söguhetjunnar. Í hverju þorpi er til saga af flóðhestum, sem drepa fólk. Það er meira og minna sama sagan, en alltaf á hún sér stað í heimaþorpi sögumanns. Alls staðar eru til óskráðar reglur um hvernig beri að umgangast flóðhesta, sem eru um allt. Þeir sem sleppa úr klóm flóðhesta og tekst að flæma þá útí vatnið eru miklar hetjur í augum þorpsbúa. Þeim hefur tekist að forða yfirvofandi ógæfu. Í hverju þorpi eru líka vaktmenn, sem gæta þorpsbúa meðan dimmt er, frá kvöldi til morguns. Þeir óttast ekki þjófa og ræningja heldur villidýr. Ekki dregur það úr, að þarna er ekki rafmagn og því ekki götulýsing, ekki einu sinni lýsing á heimilum – og margt býr í myrkrinu. Munurinn á vaktmanni dagsins í dag og vaktmanninum fyrir þúsund árum er kannski sá, að byssa hefur komið í stað spjóts, hugsanlega á hann vasaljós. Varð bara hugsað til þessa þegar ég vafraði á internetinu og fann þar til sölu einhverskonar raf-leðurarmband sem segir manni hvenær maður á að borða, sofa og hreyfa sig. Ég sé dálítið eftir að hafa slegið til. Viltu birta grein á Vísi? Sendu okkur póst. Senda grein Ólöf Skaftadóttir Mest lesið Halldór 4. 10. 2025 Halldór Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Þorgerður og erlendu dómstólarnir Hjörtur J. Guðmundsson Skoðun Kæra Epli, skilur þú mig? Lilja Dögg Jónsdóttir Skoðun Lyftum umræðunni á örlítið hærra plan Jóna Hlíf Halldórsdóttir Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Transumræðan og ruglið um fjölda kynja Einar Steingrímsson Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Leikskólar eru ekki munaður Íris Eva Gísladóttir Skoðun
Foreldrar mínir bjuggu um skeið í Malaví í Afríku. Þar hefur tíminn að sumu leyti staðið í stað og pabbi hefur sagt mér að fólk hefur ekki fjarlægst náttúruna með sama hætti og við. Þar sögðust foreldrar mínir hafa kynnst fólki sem var ánægðara með sitt hlutskipti en nokkur annar sem þau þekktu, þó að fátækt og mannskæðir sjúkdómar væru hluti af þeirra daglega lífi. Foreldrar mínir hafa sagt mér margar sögur af samspili dýra og fólks í þorpum við Malavívatn. Þar er flóðhesturinn til að mynda gjarnan ógnvaldur söguhetjunnar. Í hverju þorpi er til saga af flóðhestum, sem drepa fólk. Það er meira og minna sama sagan, en alltaf á hún sér stað í heimaþorpi sögumanns. Alls staðar eru til óskráðar reglur um hvernig beri að umgangast flóðhesta, sem eru um allt. Þeir sem sleppa úr klóm flóðhesta og tekst að flæma þá útí vatnið eru miklar hetjur í augum þorpsbúa. Þeim hefur tekist að forða yfirvofandi ógæfu. Í hverju þorpi eru líka vaktmenn, sem gæta þorpsbúa meðan dimmt er, frá kvöldi til morguns. Þeir óttast ekki þjófa og ræningja heldur villidýr. Ekki dregur það úr, að þarna er ekki rafmagn og því ekki götulýsing, ekki einu sinni lýsing á heimilum – og margt býr í myrkrinu. Munurinn á vaktmanni dagsins í dag og vaktmanninum fyrir þúsund árum er kannski sá, að byssa hefur komið í stað spjóts, hugsanlega á hann vasaljós. Varð bara hugsað til þessa þegar ég vafraði á internetinu og fann þar til sölu einhverskonar raf-leðurarmband sem segir manni hvenær maður á að borða, sofa og hreyfa sig. Ég sé dálítið eftir að hafa slegið til.
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun