Annar hver starfsmaður hefur sofið hjá vinnufélaga

Í nýrri könnun á vegum Business Insider kemur í ljós að ríflega annar hver starfsmaður segist hafa sofið hjá vinnufélaga. Hlutfallið er raunar 54%.

Alls svöruðu 2.500 einstaklingar í þessari könnun en hafa verður þann fyrirvara á að könnunin náði eingöngu til notenda vefsíðunnar Businessinsider.com og nær því að mestu til viðskipta- eða skrifstofufólks.

Athygli vekur að af þeim sem sögðust hafa sofið hjá vinnufélaga sínum sögðu 50% eða helmingur að þeir hefðu gert það á skrifstofu/vinnustað sínum.