Liam gáttaður á bróðurnum

Yngri Gallagher-bróðirinn Liam þykir lítið til eldri bróður síns, Noels, koma eftir að hinn síðarnefndi steig á svið með Damon Albarn úr Blur um helgina.

Gallagher og Albarn hafa löngum deilt sín í milli en tóku Blur-lagið Tender á tónleikum til styrktar krabbameinssjúklingum á tónleikum í Royal Albert Hall í London ásamt Paul Weller.

„Ég veit ekki hvort er verra, að hann sé að drekka kampavín með stríðglæpamanni eða syngja bakraddir með BLUE!“ tísti Liam á Twitter-síðu sína og átti þar væntanlega við Blur.