Veiðimenn óttast laxeldið Jakob Bjarnar skrifar 11. júlí 2013 14:02 Þessir kátu karlar eru verulega ósáttir við atvinnuvegaráðherra og fyrirætlanir um eldi á norskun laxi við strendur landsins. Landssamband veiðifélaga varar við því að núverandi leyfakerfi til að ala lax af norskum uppruna í sjókvíum við strendur landsins verði kollvarpað. Þetta kemur fram í harðorðri fréttatilkynningu sambandsins. Landsamband veiðifélaga hefur óskað eftir fundi með atvinnuvegaráðherra til að ræða þessi mál. Þá segir jafnframt að yfirlýsingar atvinnuvegaráðherra í fjölmiðlum bendi til þess að nú eigi að láta undan þrýstingi fiskeldismanna og slaka á kröfum í umhverfismálum við leyfisveitingar. "Saga laxeldis við strendur Ísland ætti að vera stjórnvöldum og öðrum viðvörun um þá áhættu sem þessum atvinnuvegi er búin." Þá minnir Landssambandið á að þegar hrogn voru flutt inn frá Noregi á sínum tíma var gert samkomulag um að lax af norskum uppruna yrði aðeins alinn í eldisstöðvum á landi en ekki settur í sjó. "Þetta samkomulag hefur verið þverbrotið og nú virðist eiga að ganga lengra í þeim efnum. Landssamband Veiðifélaga telur fráleitt að hverfa frá því fyrirkomulagi sem nú er við lýði og felur í sér að álits sérfræðinga er aflað þegar Skipulagsstofnun metur hvort umhverfismats er þörf." Alrangt er sem haldið hefur verið fram að flókið leyfisferli standi laxeldi á Íslandi fyrir þrifum. "Það er fyrst og fremst hin miklu og mengandi áhrif laxeldis á umhverfið sem gerir það að verkum að nauðsynlegt er að gæta fyllstu varúðar," segir í tilkynningunni en undir hana ritar Óðinn Sigþórsson, formaður LV. Stangveiði Mest lesið 60-80 laxar á dag úr Eystri Rangá Veiði Dagur 2 í Ytri-Rangá: Alls 16 á land Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Veiði hafin í Veiðivötnum Veiði 22 útskrifaðir úr námi í veiðileiðsögn Veiði Gullfiskur í Elliðaánum Veiði Vikulegar veiðitölur úr laxveiðiánum Veiði Eystri Rangá sýnir sínar bestu hliðar Veiði Lokakvöld Kvennadeildar SVFR annað kvöld Veiði
Landssamband veiðifélaga varar við því að núverandi leyfakerfi til að ala lax af norskum uppruna í sjókvíum við strendur landsins verði kollvarpað. Þetta kemur fram í harðorðri fréttatilkynningu sambandsins. Landsamband veiðifélaga hefur óskað eftir fundi með atvinnuvegaráðherra til að ræða þessi mál. Þá segir jafnframt að yfirlýsingar atvinnuvegaráðherra í fjölmiðlum bendi til þess að nú eigi að láta undan þrýstingi fiskeldismanna og slaka á kröfum í umhverfismálum við leyfisveitingar. "Saga laxeldis við strendur Ísland ætti að vera stjórnvöldum og öðrum viðvörun um þá áhættu sem þessum atvinnuvegi er búin." Þá minnir Landssambandið á að þegar hrogn voru flutt inn frá Noregi á sínum tíma var gert samkomulag um að lax af norskum uppruna yrði aðeins alinn í eldisstöðvum á landi en ekki settur í sjó. "Þetta samkomulag hefur verið þverbrotið og nú virðist eiga að ganga lengra í þeim efnum. Landssamband Veiðifélaga telur fráleitt að hverfa frá því fyrirkomulagi sem nú er við lýði og felur í sér að álits sérfræðinga er aflað þegar Skipulagsstofnun metur hvort umhverfismats er þörf." Alrangt er sem haldið hefur verið fram að flókið leyfisferli standi laxeldi á Íslandi fyrir þrifum. "Það er fyrst og fremst hin miklu og mengandi áhrif laxeldis á umhverfið sem gerir það að verkum að nauðsynlegt er að gæta fyllstu varúðar," segir í tilkynningunni en undir hana ritar Óðinn Sigþórsson, formaður LV.
Stangveiði Mest lesið 60-80 laxar á dag úr Eystri Rangá Veiði Dagur 2 í Ytri-Rangá: Alls 16 á land Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Veiði hafin í Veiðivötnum Veiði 22 útskrifaðir úr námi í veiðileiðsögn Veiði Gullfiskur í Elliðaánum Veiði Vikulegar veiðitölur úr laxveiðiánum Veiði Eystri Rangá sýnir sínar bestu hliðar Veiði Lokakvöld Kvennadeildar SVFR annað kvöld Veiði