Föstudagur er orðinn að nýjum frídegi í Noregi

Föstudagur er orðinn að nýjum frídegi hjá stórum hluta Norðmanna. Þetta sýna nýjar tölur um umferðina til og frá Ósló frá norsku járnbrautunum og vegagerðinni.

Í frétt um málið á vefsíðu Verdens Gang segir að farþegum sem koma með lestum til vinnu í Osló fækkar um 20 til 30% á föstudögum miðað við aðra virka daga. Og hvað bílaumferðina varðar sýna mælingar vegagerðarinnar á síðastliðnu ári að um 14.000 færri bílum er ekið til borgarinnar á föstudegi en öðrum virkum dögum.

Ein af ástæðunum að baki þessari fækkun er að fólk vinnur aukalega á virkum dögum til að geta tekið sér frí á föstudögum. Ennfremur sýna rannsóknir að það eru einkum fólk sem orðið er 35 ára eða eldra sem tekur sér frí á föstudögum.