Leita leiða til að aflétta banni

„Það er náttúrlega verið að þessu til að sjá hvort hægt er að aflétta þessu banni," segir Ólafur Örn Haraldsson þjóðgarðsvörður.

Ólafur í gær ræddi við fulltrúa Stangaveiðifélags Reykjavíkur, Landssambands stangaveiðifélaga og framkvæmdastjóra Veiðikortsins. Hann segir að vel hafi farið á með mönnum á fundunum

„Það eru allir sammála um að reka af höndum okkar óleyfilega beitu og sóðaskap og auka eftirlit á nóttunni og fræðslu innan og utan veiði­félaganna," segir Ólafur sem kveður málið munu verða rætt áfram áður en hann geri nýja tillögu til Þingvallanefndar um veiðitímann við Þingvallavatn. Eins og kunnugt er stendur deilan um þá ákvörðun nefndarinnar að banna veiðar á nóttunni í vatninu.

„Málið er allt á réttri leið," segir Viktor Guðmundsson, formaður Landssambands stangaveiðifélaga.