Kolfinna komin í úrslit

Kolfinna Kristófersdóttir keppir nú til sigurs í „Walk off" keppninni á vegum Style.com.

Lesendur síðunnar hafa valið best klæddu fyrirsætu hverrar tískuviku fyrir sig og nú keppa sigurvegararnir um úrslitasætið. Kolfinna þótti best klædda fyrirsætan á tískuvikunni í London og hlaut alls 42 prósent atkvæða. Hægt er að skoða síðuna hér.

Nú stendur valið meðal annars milli Kolfinnu og fyrirsæta á borð við Karlie Kloss, Joan Smalls, Cöra Delevingne og Candice Swanepoel. Úrslitin verða þó ekki gerð kunn fyrr en í lok mars í prentuðu hefti Style.com. -sm