Stóri dagurinn í apríl

Fyrsta breiðskífa Of Monsters and Men á erlendum markaði kemur út í Bandaríkjunum og Kanada 3. apríl á vegum Universal.

Mikil eftirvænting ríkir eftir gripnum enda fékk stuttskífan Into the Woods mjög góðar viðtökur vestanhafs, bæði á Billboard-listanum og á iTunes. Nýja breiðskífan verður endurbætt útgáfa af frumburðinum My Head Is an Animal sem kom út hér heima í fyrra og náði gullsölu. Upptökum lauk nýverið í Reykjavík með aðstoð upptökustjórans Jacquire King sem hefur unnið með Kings of Leon og Modest Mouse.