Veiði hafin í Hítarvatni

Veiði hófst í Hítarvatni um helgina og fljótlega hefst veiði veiði í Langavatni á Mýrum og Hólmavatni á Hólmavatnsheiði í Dölum.

Veiði í Langavatni og Hólmavatni hefst 15. júní og þá má segja að vatnaveiðin sé komin á fullt. Veiði hafin í flestum vötnum. Í Hítarvatni eru bæði urriði og bleikja og hafa veiðimenn oft gert ævintýralega góða veiði þar.

Jafnvel komið heim með yfir hundrað fiska. Hítarvatn er hluti af Veiðikortinu en einnig er hægt að kaupa dagsleyfi hjá Stangaveiðifélagi Reykjavíkur.

Við vatnið er gott gangnamannahús með hreinlætisaðstöðu. Þar er hægt að leigja sér gistingu gegn hóflegu gjaldi. Sjá nánari upplýsingar á vef SVFR.