SVFR áfram með Norðurá

Stangveiðifélag Reykjavíkur (SVFR) verður áfram með Norðurá í Borgarfirði á leigu. Vefurinn votnogveidi.is sagði fyrst frá þessu. 

Samkvæmt heimildum Veiðivísis samþykkti aðalfundur Veiðifélags Norðurá að ganga aftur til samninga við SVFR. Ekki er þó búið að skrifa undir samningana en það verður gert á næstu dögum. SVFR hefur haft ánna á leigu frá árinu 1946, eða í tæp 70 ár.

Norðurá hefur um árabil verið ein besta laxveiðiá landsins. Meðalveiði í ánni er nálægt 1.570 löxum en mest hafa 3.307 laxar í henni sumarið 2008. Í fyrra veiddust 2.134 laxar í ánni.