Félagarnir hjá Google yngstir á meðal þeirra 20 ríkustu

Þeir einu sem eru á meðal tuttugu ríkustu einstaklinga Bandaríkjanna, samkvæmt lista Forbes, sem eru undir fertugu, eru félagarnir hjá Google, Sergey Brin og Larry Page. Þeir eru í 13. sæti á listanum en auður þeirra beggja, er metinn á 20,3 milljarðar dala, eða sem nemur ríflega 2.500 milljörðum króna. Samanlagður auður þeirra er því metinn á 5.000 milljarða króna. Þeir eru báðir 39 ára gamlir.

Efstur á lista Forbes er Bill Gates, stærsti hluthafi Microsoft og stjórnarformaður fyrirtækisins, með auð upp á 66 milljarða dala. Gates er jafnframt sá yngsti á meðal þeirra sem eru þeir tíu ríkustu, en hann er 56 ára.

Sjá má lista Forbes hér.