Spánn þarf ekki utanaðkomandi efnahagsaðstoð

Luis de Guindos, efnahagsráðgjafi Spánar, segir að Spánn þurfi ekki utanaðkomandi efnahagsaðstoð. Þetta sagði hann í ræðu sem hann hélt í London í gær.

Hann var truflaður mikið við ræðuhöld sín af hópi mótmælenda sem mótmæla niðurskurði í landinu. Fréttastofa breska ríkisútvarpsins segir að sögusagnir hafi verið í gangi undanfarið um að Spánverjar myndu óska eftir efnahagsaðstoð strax núna um helgina.

Spánn hefur átt við efnahagserfiðleika að etja allt frá árinu 2008, en þá var allt of mikil þennsla á fasteignamarkaði.