Spænskir bankar þurfa 9.500 milljarða króna

Spænskir bankar þurfa 59,3 milljarða evra, eða sem nemur ríflega 9.500 milljörðum króna, til þess að lifa af erfiðleika á fjármálamörkuðum í Evrópu, þar ekki síst á Spáni. Frá þessu er greint á vefsíðu breska ríkisútvarpsins BBC í dag, og er vitnað til sjálfstæðrar úttektar sérfræðinga.

Bankakerfið á Spáni hefur gengið í gegnum mikla erfiðleika á undanförnum árum, samhliða miklum efnahagssamdrætti og erfiðleikum í efnahagslífi Spánar. Samkvæmt opinberum tölum Hagstofu Evrópu er atvinnuleysi á Spáni nú tæplega 25 prósent, sem er það mesta í Evrópu.