Lækkanir á öllum helstu hlutabréfamörkuðum

Hlutabréfavísitölur lækkuðu víðast hvar á alþjóðamörkuðum í dag. Nasdaq vísitalan í Bandaríkjunum lækkaði um 0,17 prósent og S&P vísitalan um 0,3 prósent. Í Evrópu lækkaði DAX vísitalan um 0,11 prósent og FTSE vísitalan í Bretlandi um 0,37 prósent.

Hér á landi var lítil hreyfing á hlutabréfamarkaði í einungis ríflega 15,5 milljóna króna viðskiptum. Gengi bréfa Haga lækkaði um 0,55 prósent í ríflega 10 milljóna króna viðskiptum og er gengi bréfa félagsins nú 18,15.

Sjá má nánari upplýsingar um íslenska markaðinn hér.