Lufthansa aflýsir fleiri hundruð flugferðum á morgun

Þýska flugfélagið Lufthansa hefur ákveðið að aflýsa fleiri hundruð af flugferðum sínum frá þremur stærstu flugvöllum Þýskalands á morgun, föstudag, vegna verkfalls flugliða hjá félaginu.

Um er að ræða alþjóðaflugvellina í Berlín, Frankfurt og Munich. Föstudagar eru yfirleitt þeir annasömustu á þýskum flugvöllum þannig að búast má við miklu öngþveiti á þessum flugvöllum á morgun.

Um 19.000 flugliðar taka þátt í verkfallinu en hvorki gengur né rekur í samningaviðræðum verkalýðsfélags þeirra og Lufthansa.