Írar samþykktu fjármálasáttmála ESB

Almenningur á Írlandi hefur samþykkt fjármálasáttmála ESB. Yfir 60% þeirra sem greiddu atkvæði studdu sáttmálann, sem á að að koma á stöðuleika á evrusvæðinu.

Í dag fór fram þjóðaratkvæðagreiðsla í Írlandi um sáttmálann. Önnur ríki innan ESB hafa samþykkt sáttmálann, nema Bretland og Tékkland. Írland var eina ríkið sem lét fara fram þjóðaratkvæðagreiðslu um málið.

Ef almenningur á Írlandi hefði hafnað sáttmálanum hefði hann ekki tekið gildi á öllu evrópusvæðinu. Þá hefðu Írar aftur á móti heldur ekki fengið aðgang að fjármálaaðstoð frá ESB þegar samningar þess renna út árið 2013.