Formúlu-systur eyða 150 milljónum dala í hús

Dætur Bernie Ecclestone, framkvæmdastjóra Formúlu 1 keppninnar, hafa farið mikinn að undanförnu í fasteignakaupum, að því er Wall Street Journal greindi frá á dögunum. Samtals hafa þær systur, Tamara og Petra, sem eru 27 og 24 ára, eytt um 150 milljónum dala, rétt um 18,9 milljörðum króna, í ný heimili.

Candace Jackson, blaðakona Wall Street Journal, segir viðskipti sem þessi hjá ríku ungu fólki vera að færast í vöxt þessi misserin, þ.e. að ungt fólk kaupir fasteignir á dýrum stöðum og gerir þær síðan upp eftir eigin höfði, fyrir milljónatugi í dölum talið.

Sjá má myndbandsumfjöllun Wall Street Journal um þessi viðskipti hér.