Jamie Dimon kallaður fyrir þingnefnd

Jamie Dimon, stjórnarformaður og forstjóri JP Morgan Chase, þarf að svara spurningum bandarískra þingamanna frammi fyrir þingnefnd vegna ótrúlegs taps bankans á viðskiptum með bandarísk fyrirtækjaskuldabréfe, í heild nam það ríflega tveimur milljörðum dala, jafnvirði yfir 250 milljarða króna. Greint er frá þessu á vef Wall Street Journal í dag.

Þá hefur bandaríska alríkislögreglan FBI einnig hafið rannsókn á viðskiptunum, en hið mikla tap þykir vera til marks um að viðskiptin hafi verið sérstaklega óvönduð.