Slaki í Evrópu dregur hagvöxtinn niður

Alþjóðagjaldeyrissjóðurinn hefur endurskoðað hagvaxtarspá sína og spáir því nú að árið 2012 verði örlítið verra í efnahagslegu tilliti en fyrri spá gerði ráð fyrir. Meðaltalshagvöxtur verður 3,3 prósent samanborið við tæplega fjögur prósent miðað í fyrri spá.

Að því er fram kemur í spánni, sem birt er á vef Alþjóðagjaldeyrissjóðsins, er það einkum slaki í hagkerfum Evrópu sem veldur þessara lækkun frá fyrri spá. Gert er ráð fyrir hagvöxtur verði undir eitt prósent. Í stærstu hagkerfum Evrópu, Þýskalandi, Frakklandi, Bretlandi og Ítalíu er gert ráð fyrir að hagvöxturinn verði á bilinu 0 til 0,6%. Nokkur óvissa er um stöðu mála á Ítalíu, en miklar skuldir hins opinbera þar í landi, bæði ríkis og sveitarfélaga, eru mikið áhyggjuefni.

Gert er ráð fyrir að hagvöxtur í Bandaríkjunum verði tæplega 2 prósent. Líkt og síðustu ár verður það mikill hagvöxtur í Asíu sem dregur vagninn ef þannig má að orði komast. Í Kína og Indlandi, fjölmennustu ríkjum heimsins, verður hagvöxturinn á bilinu átt til 10 prósent.