Staðið við í Hafravatni

Veiðimenn ýmist óðu frá bakkanum eða reru út á bátum á Hafravatni á frídegi verkalýðsins í gær.

Eldri herramaður sem rætt var við laust eftir hádegi sagðist ekkert hafa orðið var þann tæpa hálf tíma sem hann hafði þá staðið við. Kvaðst hann vera að hugsa um að færa sig frá norðanverðum austurbakka vatnsins að suðurenda þess þar sem kannski væri meiri von. Var þar vanur maður á ferð sem upplýsti að hann hefði fengið fjörtíu urriða í Hafravatni í apríl í fyrra.

„Þetta er mest allt smár fiskur, kannski um þrjú hundruð grömm en afbragðs matfiskur," sagði veiðimaðurinn ákveðinn í að fara ekki tómhentur heim í eldhús.

Þess má geta að ekki er tekið gjald fyrir veiða í Hafravatni.