Forseti Rússlands fær nýtt leikfang

Dimitry Medevdev forseti Rússlands hefur fengið nýtt leikfang. Um er að ræða lúxussnekkju sem gefur þeim bestu í heiminum lítt eftir.

Um er að ræða snekkjuna Leo Fun sem áður var í eigu ítalsks viðskiptamanns. Um leið og snekkjan kemur í rússneska höfn verður nafni hennar breytt í hið virðingarmeira nafn Sirius.

Verðmiðinn á þessari snekkju hljóðaði upp á hátt í fimm milljarða króna, að því er segir í börsen.

Sirius er nær sextíu metrar að lengd og um borð er pláss fyrir 12 gesti í sex svítum. Áhafnarmeðlimir eru tólf talsins. Meðal þess sem má finna um borð er freyðibað, tilbúinn foss og stór kvikmyndasalur.

Sirius getur náð 18 hnúta hraða og vélarafl hennar er um 3.800 hestöfl. Hún getur siglt yfir 9.000 kílómetra án þess að þurfa að bæta á tankinn.

Rússneskur almenningur fær fyrst að berja þessa forsetasnekkju augum árið 2014 en þá leggur hún upp í hafnarborginni Sochi við Svartahaf í tengslum við olympíuleikanna það ár.