Kona í búðarglugga Brynhildur Björnsdóttir skrifar 25. mars 2011 06:00 Í búðarglugga einum í Kringlunni er kona. Þetta er ekkert lítil og varnarlaus kona, nei hún er stærri en venjuleg kona og greinilega í þrusuformi. Hún er á hnjánum, eins og hún sé dauðþreytt að reyna að standa upp og horfir pínu stúrin á svipinn á fólkið sem gengur framhjá og dettur ekki í hug að hjálpa henni á fætur. Sem er synd því henni hlýtur að vera skítkalt, í örlitlum pallíettunærfötum einum fata um hávetur. Það mætti þó ætla að viðskiptavinir verslunarinnar hefðu einhvern áhuga á að koma blessaðri konunni á stjá. Hún er nefnilega aðalskona auglýsingaherferðar sem er beint gegn þeim. Þessari smáklæddu konu, sem lúin bisar við að komast á lappir, er ætlað það vandasama hlutverk að selja karlmönnum föt. Vandasama segi ég því að í þeirri baráttu má hún ekki sýna þeim nein föt, hvorki sín eigin né annarra. Hún má kenna þeim æfingar sem búa þá undir slagorð auglýsingaherferðarinnar sem sem útleggst lauslega á íslensku: „komdu þér í gríðargott líkamlegt ástand til að höndla allan hamaganginn sem bíður þín sumarið 2011." Og enn lauslegar: „Föt eru óþörf því þú verður aldrei í þeim hvort sem er ef þú gerir æfingarnar þínar. En keyptu þau samt." Ekkert skrýtið að konan sé þreytt. Á ljósbláu plakati bak við konuna má sjá litlar skýringarmyndir af henni í smágerðum hvítum íþróttafötum að kenna ýmsar æfingar sem miða að því að styrkja brjóst, rassa og læri. Á kennslumyndbandi sem tengist herferðinni sýnir hún nokkrar fleiri æfingar, eins og að skríða eins og köttur yfir heitan graut og að ýta frá sér forvitinni kind án þess að nota hendurnar. Þar er sérstökum viðskiptavinum líka lofað að hún muni sýna þeim hvernig á að sippa, hoppa á trampolíni og síðast en ekki síst: dansa súludans, sem hingað til hefur verið talið meira kvensport en ánægjulegt ef telst að glæða áhuga karlmanna á því líka. Það er vissulega frumlegt að heil auglýsingaherferð hjá fyrirtæki sem selur karlmannaföt skuli snúast um að næstum nakin kona reyni að sannfæra viðskiptavini um að föt séu óþörf. Nema það sé verið að gera lítið úr karlmönnum með því að álykta sem svo að það sé ekki hægt að vekja áhuga þeirra á einu eða neinu án þess að fáklædd kona komi við sögu. Viltu birta grein á Vísi? Sendu okkur póst. Senda grein Brynhildur Björnsdóttir Mest lesið Halldór 4. 10. 2025 Halldór Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Lyftum umræðunni á örlítið hærra plan Jóna Hlíf Halldórsdóttir Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Transumræðan og ruglið um fjölda kynja Einar Steingrímsson Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Í búðarglugga einum í Kringlunni er kona. Þetta er ekkert lítil og varnarlaus kona, nei hún er stærri en venjuleg kona og greinilega í þrusuformi. Hún er á hnjánum, eins og hún sé dauðþreytt að reyna að standa upp og horfir pínu stúrin á svipinn á fólkið sem gengur framhjá og dettur ekki í hug að hjálpa henni á fætur. Sem er synd því henni hlýtur að vera skítkalt, í örlitlum pallíettunærfötum einum fata um hávetur. Það mætti þó ætla að viðskiptavinir verslunarinnar hefðu einhvern áhuga á að koma blessaðri konunni á stjá. Hún er nefnilega aðalskona auglýsingaherferðar sem er beint gegn þeim. Þessari smáklæddu konu, sem lúin bisar við að komast á lappir, er ætlað það vandasama hlutverk að selja karlmönnum föt. Vandasama segi ég því að í þeirri baráttu má hún ekki sýna þeim nein föt, hvorki sín eigin né annarra. Hún má kenna þeim æfingar sem búa þá undir slagorð auglýsingaherferðarinnar sem sem útleggst lauslega á íslensku: „komdu þér í gríðargott líkamlegt ástand til að höndla allan hamaganginn sem bíður þín sumarið 2011." Og enn lauslegar: „Föt eru óþörf því þú verður aldrei í þeim hvort sem er ef þú gerir æfingarnar þínar. En keyptu þau samt." Ekkert skrýtið að konan sé þreytt. Á ljósbláu plakati bak við konuna má sjá litlar skýringarmyndir af henni í smágerðum hvítum íþróttafötum að kenna ýmsar æfingar sem miða að því að styrkja brjóst, rassa og læri. Á kennslumyndbandi sem tengist herferðinni sýnir hún nokkrar fleiri æfingar, eins og að skríða eins og köttur yfir heitan graut og að ýta frá sér forvitinni kind án þess að nota hendurnar. Þar er sérstökum viðskiptavinum líka lofað að hún muni sýna þeim hvernig á að sippa, hoppa á trampolíni og síðast en ekki síst: dansa súludans, sem hingað til hefur verið talið meira kvensport en ánægjulegt ef telst að glæða áhuga karlmanna á því líka. Það er vissulega frumlegt að heil auglýsingaherferð hjá fyrirtæki sem selur karlmannaföt skuli snúast um að næstum nakin kona reyni að sannfæra viðskiptavini um að föt séu óþörf. Nema það sé verið að gera lítið úr karlmönnum með því að álykta sem svo að það sé ekki hægt að vekja áhuga þeirra á einu eða neinu án þess að fáklædd kona komi við sögu.
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun