Sálmur 84 - Signuð skín réttlætis sólin
Signuð skín réttlætis sólin frá Ísraels fjöllum, sólstafir kærleikans ljóma frá Betlehems völlum. Blessuð um jól börnunum Guðs þessi sól flytur ljós frelsisins öllum. Hví er þá dapurt og dimmt í þér, mannlega hjarta? Dimman og hryggðin í guðsríkis birtunni' ei skarta. Ei má þín synd, ei má þín fáviska blind byrgja þér ljósið Guðs bjarta. Kærleikans ímyndin fegursta, frelsarinn blíður, faðminn Guðs miskunnar enn sem fyrr hjörtunum býður. Hvíld finnur hér hver sá, er þjakaður er, huggun sá, hrelling er líður. Kom því, ó, maður, og fagnaðu frelsinu lýða, flýttu þér öruggur Drottins í armana blíða. Heit honum trú, hjarta þitt gef honum nú, lát hann ei lengur þín bíða.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
