Keppni um að minnka flokk Ólafur Þ. Stephensen skrifar 5. nóvember 2011 06:00 Líklega er það rétt sem Hanna Birna Kristjánsdóttir, sem nú hefur tilkynnt að hún sækist eftir formennsku í Sjálfstæðisflokknum, segir í Fréttablaðinu í gær að formannsslagur þeirra Bjarna Benediktssonar snúist fremur um aðferðir og persónur en pólitískar áherzlur. Að minnsta kosti verður ekki séð að neinn grundvallarmunur sé á pólitík formannsins og áskorandans. Hanna Birna beitti vissulega nýjum aðferðum í borgarstjórn Reykjavíkur þegar hún var borgarstjóri; leitaðist við að auka sátt og samstöðu um mál og vinna með minnihlutanum þar sem það var hægt. Það sama reyndi hún eftir að Sjálfstæðisflokkurinn lenti í minnihluta, þótt sú tilraun hafi ekki gengið upp. Málflutningur hennar eftir að hún tilkynnti formannsframboð eru þó ekki að öllu leyti í anda samstöðustjórnmálanna. Hún sagði til dæmis í Kastljósi Ríkissjónvarpsins í fyrrakvöld að sum mál væri ekki hægt að semja um; hún myndi til dæmis ekki semja við Vinstri græna um skattahækkanir eða við Samfylkinguna um ESB-aðild. Samt er það nú svo að vilji Sjálfstæðisflokkurinn mynda ríkisstjórn að loknum næstu kosningum, gæti hann þurft að semja um annaðhvort þessara mála eða bæði. Bjarni og Hanna Birna eru klárlega sammála um að ekki eigi að leita neinnar sáttar um aðildarviðræðurnar við Evrópusambandið, þrátt fyrir að rétt tæpur helmingur stuðningsmanna Sjálfstæðisflokksins vilji halda þeim áfram samkvæmt skoðanakönnun Fréttablaðsins í september síðastliðnum. Hanna Birna er afdráttarlaus í þeirri afstöðu að draga eigi aðildarumsóknina til baka og að Ísland eigi ekkert erindi í Evrópusambandið. Það er sama afstaða og Bjarni Benediktsson hefur lýst að undanförnu. Hún er þó heldur afdráttarlausari ef eitthvað er, því að Bjarni hefur stundum virzt vilja skoða nýja kosti í gjaldmiðilsmálum, en keppinautur hans er harður á að krónan sé sá gjaldmiðill sem henti Íslendingum bezt. Formannskandídatarnir eru þannig sammála um að ekki eigi að klára aðildarviðræður við ESB og kjósa um niðurstöðuna, heldur eigi að hætta viðræðunum, sem þegar eru komnar á rekspöl. Þessi sameiginlegi málflutningur þeirra er ekki líklegur til að höfða til þess umtalsverða hóps stuðningsmanna Sjálfstæðisflokksins, ekki sízt í viðskiptalífinu, sem vill láta reyna á aðildarviðræður. Hann er heldur ekki líklegur til að sækja mörg ný atkvæði í hinn stóra hóp óákveðinna kjósenda, en könnunin sem áður var vitnað til sýnir að um 63 prósent þeirra vilja ljúka aðildarviðræðunum. Það er þess vegna sama hvernig formannsslagurinn í Sjálfstæðisflokknum fer, flokkurinn mun ekki sækja inn á miðju stjórnmálanna í leit að atkvæðum. Þvert á móti mun hann áfram gefa öðrum framboðum frítt spil á miðjunni. Viltu birta grein á Vísi? Sendu okkur póst. Senda grein Ólafur Stephensen Mest lesið Halldór 06.09.2025 Halldór Fólk í sárum veldur tárum Árni Sigurðsson Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Akademískt frelsi og grátur í draumum Viðar Hreinsson Skoðun Umfjöllun Kastljóss Þorgrímur Sigmundsson Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun Sakborningur hjá saksóknara Páll Steingrímsson Skoðun Útgerðin skuldar okkur skýringar Guðmundur Helgi Þórarinsson Skoðun Kristinn átrúnaður á tímum þjóðarmorðs Bjarni Karlsson Skoðun
Líklega er það rétt sem Hanna Birna Kristjánsdóttir, sem nú hefur tilkynnt að hún sækist eftir formennsku í Sjálfstæðisflokknum, segir í Fréttablaðinu í gær að formannsslagur þeirra Bjarna Benediktssonar snúist fremur um aðferðir og persónur en pólitískar áherzlur. Að minnsta kosti verður ekki séð að neinn grundvallarmunur sé á pólitík formannsins og áskorandans. Hanna Birna beitti vissulega nýjum aðferðum í borgarstjórn Reykjavíkur þegar hún var borgarstjóri; leitaðist við að auka sátt og samstöðu um mál og vinna með minnihlutanum þar sem það var hægt. Það sama reyndi hún eftir að Sjálfstæðisflokkurinn lenti í minnihluta, þótt sú tilraun hafi ekki gengið upp. Málflutningur hennar eftir að hún tilkynnti formannsframboð eru þó ekki að öllu leyti í anda samstöðustjórnmálanna. Hún sagði til dæmis í Kastljósi Ríkissjónvarpsins í fyrrakvöld að sum mál væri ekki hægt að semja um; hún myndi til dæmis ekki semja við Vinstri græna um skattahækkanir eða við Samfylkinguna um ESB-aðild. Samt er það nú svo að vilji Sjálfstæðisflokkurinn mynda ríkisstjórn að loknum næstu kosningum, gæti hann þurft að semja um annaðhvort þessara mála eða bæði. Bjarni og Hanna Birna eru klárlega sammála um að ekki eigi að leita neinnar sáttar um aðildarviðræðurnar við Evrópusambandið, þrátt fyrir að rétt tæpur helmingur stuðningsmanna Sjálfstæðisflokksins vilji halda þeim áfram samkvæmt skoðanakönnun Fréttablaðsins í september síðastliðnum. Hanna Birna er afdráttarlaus í þeirri afstöðu að draga eigi aðildarumsóknina til baka og að Ísland eigi ekkert erindi í Evrópusambandið. Það er sama afstaða og Bjarni Benediktsson hefur lýst að undanförnu. Hún er þó heldur afdráttarlausari ef eitthvað er, því að Bjarni hefur stundum virzt vilja skoða nýja kosti í gjaldmiðilsmálum, en keppinautur hans er harður á að krónan sé sá gjaldmiðill sem henti Íslendingum bezt. Formannskandídatarnir eru þannig sammála um að ekki eigi að klára aðildarviðræður við ESB og kjósa um niðurstöðuna, heldur eigi að hætta viðræðunum, sem þegar eru komnar á rekspöl. Þessi sameiginlegi málflutningur þeirra er ekki líklegur til að höfða til þess umtalsverða hóps stuðningsmanna Sjálfstæðisflokksins, ekki sízt í viðskiptalífinu, sem vill láta reyna á aðildarviðræður. Hann er heldur ekki líklegur til að sækja mörg ný atkvæði í hinn stóra hóp óákveðinna kjósenda, en könnunin sem áður var vitnað til sýnir að um 63 prósent þeirra vilja ljúka aðildarviðræðunum. Það er þess vegna sama hvernig formannsslagurinn í Sjálfstæðisflokknum fer, flokkurinn mun ekki sækja inn á miðju stjórnmálanna í leit að atkvæðum. Þvert á móti mun hann áfram gefa öðrum framboðum frítt spil á miðjunni.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun