Veiði lokið í Norðurá

Veiði er formlega lokið í Norðurá í Borgarfirði. Veiðisumarið var gott í Norðurá og lokatalan 2.134 laxar sem verður að teljast afbragðsgóð niðurstaða.

Laxinn mætti óvenju seint í Norðurá, og í raun má segja að mestu göngurnar hafi komið í annari og þriðju viku júlímánaðar. Því voru göngurnar tíu dögum til tveimur vikum of seint á ferðinni ef miðað er við undanfarin ár.

Í fyrrasumar voru göngur svo að segja yfirstaðnar þann 15. júlí, en í sumar náðu þær hámarki upp úr miðjum mánuðinum. Vegna þessa dreifðust veiðitölur mun betur en undanfarin ár, en fyrstu tvær vikur júlímánaðar hafa verið framúrskarandi á kostnað seinni hluta júlímánaðar.

Þess má geta að bókanir veiðileyfa í Norðurá eru hafnar, en skilafrestur í forúthlutun er 20. september næstkomandi.

Birt með góðfúslegu leyfi SVFR