Góður kippur í veiðina í Ytri Rangá

Ytri Rangá er í ágætis málum þessa daganna. 23 laxar komu á land í gær sem er með betri dögum sumarsins en 5 laxar komnir á land í morgun. Stefán sölustjóri hjá Laxá var við veiðar í gærkvöldi og sagði ánna líta vel út og sá nokkuð af laxi að ganga í gegnum í ánna.

Hann setti í 16p hrygnu við Ægissíðufoss með norskan 20gr Kepler spún í kjaftinum en hrygnan endaði í klakkistu. Ef einhver saknar slíks spúns af þessu svæði nýlega þá er hann í tapað og fundið í veiðihúsinu við Rangárflúðir.

Nú er stórstreymt um helgina og þá má reikna með að veiðin fari á fullt í flestum ánum sem hafa beðið eftir stóru göngunum á þessu sumri.  það er að vísu ekkert öruggt í þessum efnum en veiðimenn eru bjartsýnir enda ekki annað hægt þegar besti tíminn í ánum er framundan.

Birt með góðfúslegu lyefi Lax-Á