Góð opnun í Blöndu

Blanda endaði með 8 löxum lönduðum á opnunardeginum í gær. Á seinni vaktinni var 2 löxum landað og einnig misstu veiðimenn 2 til viðbótar, sem fyrr voru laxarnir á milli 10 og 14 pund. Af þessum 8 voru fjórir teknir á maðkinn og hinir fjórir á fluguna. Þótt opnunin hafi ekki verið jafn stór og í fyrra eru menn ánægðir enda skilyrðin til veiða erfið. Kalt og vindasamt. Þeir sem eiga næstu holl í Blöndu geta farið að hlakka til því það eru hlýindi í kortunum.

Annars er gaman að segja frá því að það eru laus veiðileyfi í Blöndu á besta tíma á svæði II fyrir lítinn pening.  Þarna fer gífurlega mikið af laxi í gegn uppá svæði III og IV ásamt Svartá, en ástundun hefur verið léleg undanfarin ár.  Þarna má veiða á allt agn og verðið fyrir daginn á besta tíma ekki nema 22.800.  Það er ekki hægt að kvarta yfir ódýrum laxveiðileyfum í dag.