Góðar líkur á að uppsett verð fáist fyrir Aurum Holdings

Líkurnar á að skilanefnd landsbankans fái uppsett verð fyrir Aurum Holdings verða að teljast góðar enda jókst salan í verslunum félagsins um 16,5% á síðasta reikningsári þess sem lauk í janúar.

Skilanefndin fer fram á 200 milljónir punda eða nær 38 milljarða króna fyrir Aurum. Undir Aurum, sem áður var í eigu Baugs, heyra skartgripa- og úraverslanakeðjurnar Goldsmiths, Watches of Switzerland, Mappin & Webb og Mydiamonds.com.

Salan á Aurum mun vera á áætlun að því er segir í breskum fjölmiðlum.