Nick Clegg ósáttur við David Cameron

Nick Clegg, leiðtogi frjálslyndra demókrata í Bretlandi og aðstoðarforsætisráðherra, segist ósáttur við þá ákvörðun Davids Cameron forsætisráðherra, að taka ekki þátt í samkomulagi Evrópusambandsþjóða sem miðar að því að skapa stöðugleika á Evrópusambandssvæðinu.

Clegg segir ákvörðun Camerons einangra Bretland. Þetta kemur fram í viðtali breska ríkisútvarpsins BBC við Clegg.

Hann segist þrátt fyrir þetta virða ákvörðun Camerons, sem hefði verið undir miklum þrýstingi þegar hann ákvað að taka ekki þátt í samkomulaginu.

Sjá má viðtalið við Clegg hér.