Sautján þúsund missa vinnuna

Nokia Simens símafyrirtækið ætlar að fækka starfsmönnum um 17 þúsund. Um er að ræða 23% af vinnuafli hjá fyrirtækinu.

BBC fréttastofan segir að gert sé ráð fyrir að þessi niðurskurður muni minnka kostnað hjá fyrirtækinu um 1 milljarð evra. Það samsvarar um 160 milljörðum króna.

Nokia Simens hefur átt í töluverðum vandræðum að undanförnu og samkeppnin frá samkeppnisaðilum eins og Huawei og Ericsson hefur verið hörð.

Rajeev Suuri, forstjóri Nokia Simens, segir að uppsagnirnar séu sorglegar en nauðsynlegar.