Heimsmarkaðsverð á gulli komi í 1.600 dollara

Heimsmarkaðsverð á gulli heldur áfram að slá met. Verðið fór í 1.600 dollara á únsuna í framvirkum viðskiptum í morgun og hefur verðið aldrei verið hærra í sögunni.

Það er skuldakreppan í Evrópu og deilur um skuldaþak hins opinbera í Bandaríkjunum sem valda þessum hækkunum á gulli. Gull hefur löngum þótt örugg höfn fyrir fjárfesta þegar gefur á bátinn á fjármálamörkuðum heimsins.

Sérfræðingar á málmmarkaðinum sem Bloomberg fréttaveitan ræðir við um málið telja að gullverðið haldi áfram að hækka á næstu vikum og mánuðum.