Dýrasti fótboltaleikur heimsins hefst í dag

Dýrasti fótboltaleikur í sögunni hefst síðdegis í dag á Wembley. Fjárhagslegt umfang leiksins er af þeirri stærðargráðu að hann hefur áhrif á efnahag Evrópu.

Í frétt um málið í Jyllands Posten segir að bæði liðin, Manchester United og Barcelona, muni skipta með sér verðlaunum sem nemi um 33 milljörðum kr. eða þeim mestu í sögunni. Þetta kemur fram í úttekt sem greiðslukortafyrirtækið MasterCard hefur tekið saman um fjárhagshlið leiksins.

MasterCard áætlar að samanlagt muni efnahagsleg áhrif leiksins vera af stærðargráðunni tæpir 60 milljarðar kr. Þetta er aukning upp á 4,5 milljarða kr. miðað við leikinn í fyrra. Af 60 milljörðunum koma  rúmlega 15 milljarða kr. sem uppsveifla  inn í efnahag Evrópu. MasterCard reiknar m.a. með því að milljónir Evrópubúa muni sitja á börum og þamba öl meðan á leiknum stendur.

Jyllands Posten vitnar í prófessorinn Simon Chadwick frá háskólanum í Coventry sem vann að úttektinni fyrir MasterCard. Hann segir að um draumaleik sé að ræða þar sem hann er háður á milli tveggja félaga sem eru í hópi verðmætustu sportvörumerkja heimsins. Raunar er Manchester United á toppi þess lista samkvæmt Forbes tímaritinu en Barcelona í áttunda sæti.

Hvað leikinn sjálfan varðar kemur rúmur 21 milljarður í hlut þess liðs sem vinnur leikinn. Tapliðið fær tæpa 12 milljarða í sinn hlut.