BankNordik kaupir Amagerbanken

BankNordik, áður Færeyjabanki hefur keypt hluta af hinum gjaldþrota banka Amagerbanken.

BankNordik tekur við öllum viðskiptavinum bankans, bæði einstaklingum og fyrirtækjum, sem eru með innan við 5 milljóna króna innistæðu auk úrvals af stærri viðskiptavinum Amagerbanken. Fyrir þetta borgar bankinn 235 milljónir danskra kr. eða um 5 milljarða kr.

Þessi kaup hafa verið samþykkt af danska fjármálaeftirlitinu. Með kaupunum fjölgar viðskiptavinum BankNordik um 90 þúsund en þar af eru 10 þúsund fyrirtæki.