Hækkanir á olíuverðinu ganga til baka

Hinar miklu hækkanir á heimsmarkaðsverði á olíu hafa stöðvast í dag og raunar gengið aðeins til baka. Þannig hefur verðið á Brent olíunni lækkað um 0,2% í dag og er komið rétt undir 112 dollara á tunnuna.

Í frétt um málið á börsen.dk segir að verðið á bandarísku léttolíunni hefur staðið í stað í dag í tæpum 98 dollurum á tunnuna en verðið var á hraðleið í 100 dollarana fyrir helgina.

Það eru einkum fregnir um að Saudi Arabar hafa aukið framleiðslu sína í febrúar þannig að framboðið á markaðinum er nú álíka mikið og það var áður en mótmælin hófust í Túns og Líbýu. Talið er að Saudi Arabar dæli nú um 9 milljón tunnum á dag en í janúar nam dagsframleiðsla þeirra 8,3 milljónum tunna.

Hinsvegar nýtur gullverðið enn ”góðs” af ástandinu fyrir botni Miðjarðarhafsins. Gullverðið er komið í tæpa 1.412 dollara og líkur á að febrúar sé besti mánuðurinn á gullmarkaðinum síðan í nóvember 2009.