Krugman: Íslensk villutrú virkar betur en írskur rétttrúnaður

Nóbelsverðlaunahafinn í hagfræði Paul Krugman segir að brandarinn um Ísland og Írland hafi snúist upp í andhverfu sína.

Brandarinn var sagður í upphafi ársins 2009 og hljóðar svo: Hver er munurinn á Íslandi og Írlandi? Svarið er einn stafur og sex mánuðir.

Krugman leggur upp með þennan brandara í bloggi sínu í stórblaðinu New York Times þar sem hann segir að tveimur árum eftir íslenska bankahrunið sé Ísland í betri stöðu en Írland sem nú þiggur gríðarlega neyðaraðstoð frá Evrópusambandinu og Alþjóðagjaldeyrissjóðnum. Samt voru Írar rétttrúaðir í viðbrögðum sínum við fjármálakreppunni en Íslendingar villutrúarmenn, að sögn Krugman.

Írar hafa verið rétttrúaðir alla leið, þeir tryggðu allar skuldir, fóru í gríðarlegan niðurskurð og heldu sig við evruna.

Ísland fór öfuga leið, gengisfellingu, gjaldeyrishöft, og mikið af endurskipulagningu á skuldum.

Krugman líkur blogginu á því að segja: "Og vitiði hvað? Villutrúin virkar mun betur en rétttrúnaðurinn."