Bók Jane Austen seldist á 25 milljónir króna

Eintak úr fyrsta upplagi af bók Jane Austen, Hroki og hleypidómar, seldist á 139 þúsund pund eða tæpar 25 milljónir króna, á uppboði hjá Sothebys á dögunum.

Upphæðin er 150 þúsund sinnum hærri en bókin var fyrst seld á þegar að hún kom út árið 1813. Þá kostaði hún 18 skildinga sem samsvarar um 90 pensum. Allt frá útgáfu bókarinnar fyrir tæpum 200 árum síðan hefur hún selst í 20 milljónum eintaka víðsvegar um heiminn.

Samkvæmt frétt á vef Daily mail var áritað eintak af Jólasögu Charles Dickens seld á 181 þúsund pund, eða rúmar 32 milljónir króna, á sama uppboði.