Gjöfum rignir yfir gulldrengina á Wall Street í ár

Aftur í ár eiga gulldrengir og stúlkur í bönkunum á Wall Street von á bónusum og launauppbótum sem slá munu metið í þessum aukasposlum sem sett var í fyrra. Samkvæmt úttekt Wall Street Journal mun bónusupphæðin í ár nema um 144 milljörðum dollara eða rúmum 16.000 milljörðum kr.

Úttekt Wall Street Journal nær til 35 banka og fjármálafyrirtækja á Wall Street og kemur fram að bónusarnir í ár verða 4% hærri en þeir urðu í fyrra þegar þeir námu 139 milljörðum dollara.

Athyglisvert er að í 29 af þessum 35 bönkum og fyrirtækjum reikna menn með að vöxtur þeirra verði nokkuð minni en nemur hækkuninni á bónusunum milli ára. Búiast er við að tekjurnar á Wall Street muni vaxa um 3%.

Til eru undantekningar á þessari gjafaveislu. Þannig ætlar Citigroup að lækka laun og bónusa um 8% milli ára þrátt fyrir að tekjurnar hafi vaxið um 4%. Þess ber að geta að ríkissjóður Bandaríkjanna á enn 12% í Citigroup.

Þessu er öfugt farið hjá Goldman Sachs. Þar reikna menn með að tekjurnar muni minnka um 13,5% en samt sem áður á að auka bónusa og laun starfsmanna um 4%.