Harðsoðinn krimmi Jón Yngvi Jóhannsson skrifar 7. desember 2010 06:00 Martröð millanna eftir Óskar Hrafn Þorvaldsson. Bækur Martröð millanna Óskar Hrafn Þorvaldsson Óskar Hrafn Þorvaldsson er nýjasti spennusagnahöfundurinn í íslenskum bókmenntum. Hann er velþekktur sem blaðamaður, síðast sem fréttastjóri Stöðvar tvö og Vísis, og þekkir sem slíkur vel til íslensks viðskiptalífs og innviða þess. Titill fyrstu glæpasögu hans gefur innihaldið skýrt til kynna. Martröð millanna fjallar um eftirköst kreppunnar og áhrif þeirra á nokkra íslenska milljarðamæringa, nánar tiltekið þrjá skólafélaga úr Versló sem flugu hátt á tímum góðærisins. Sá ríkasti þeirra, piparsveinninn og glaumgosinn Reynir Sveinn, kemur til Íslands í stutta ferð í brúðkaup systur sinnar og er myrtur á hrottalegan hátt. Sagan sem fylgir í kjölfarið greinist í fernt. Við fylgjumst með rannsókn lögreglu á morðinu, blaðamönnum á Dagblaðinu sem líta á morðið sem algera gullnámu fyrir fyrirsagnir og tilheyrandi metsölu, lífi morðingjans og að lokum er stór hluti sögunnar upprifjun á forsögu málsins og ferli félaganna þriggja. Það fer ekki framhjá neinum að Óskar notar miskunnarlaust ýmislegt úr fari og sögu íslenskra útrásarvíkinga við mótun persóna sinna, útrásarvíkingarnir Reynir Sveinn, Steinn Þorri og Jón eiga það sameiginlegt að vera óttalegir skíthælar og óhófsmenn á flest. Í sögunni eru skrautlegar lýsingar á hlutum sem flestir þekkja af óljósum sögusögnum: óhófi og sukki í partíhaldi, þar sem eiturlyf, kampavín og vændi leika aðalhlutverkið og þar fram eftir götunum. Þessu er öllu lýst af lítilli samúð, millarnir eru fremur óspennandi persónur, hégómlegir og sjálfumglaðir og kæmi ekki á óvart þótt þetta væri raunsæ lýsing á sumum útrásarvíkinganna. Martröð millanna er eins og sýnisbók um allt sem tilheyrir heimi íslenskra glæpasagna undanfarin ár. Hér er mansal og vændi, austurevrópskir glæpamenn í slagtogi við íslenska kollega, miðaldra lögregluforingi og stressaðir blaðamenn sem eltast við forsíðufréttir. Þeir einu sem eru fjarverandi að mestu - og kemur kannski einhverjum á óvart - eru eigendur dagblaðsins, þeirra ljóti haus gægist bara einu sinni úr vegg og þeir hafa engin teljandi áhrif á söguna. Þessi frumraun Óskars Hrafns við glæpasöguskrif er ágætlega heppnaður harðsoðinn krimmi, hann vinnur vel úr þeim sagnaheimi sem skapast hefur í íslenskum krimmum. Það eru einstaka brotalamir á plottinu - hver trúir því til dæmis að leigumorðingi panti sér flugmiða til útlanda viku eftir morðið í stað þess að drífa sig strax úr landi? En þetta skiptir ekki öllu máli og í heildina er sögufléttan ágætlega gerð. Niðurstaða: Martröð millanna er ekki frumleg glæpasaga en stendur ágætlega fyrir sínu og lýsir vel öfgunum og ruglinu sem einkenndu þátttakendur í útrásinni. Mest lesið „Ég sá fyrir mér að ég myndi deyja langt fyrir aldur fram“ Lífið Selja á Laugavegi og bíða eftir erfingja Lífið Bryan Adams til Íslands Lífið Stjörnulífið: Ástin í algleymingi og fáklæddar ofurskvísur Lífið Dansandi lögreglukór og fangarnir í Sniglabandinu Gagnrýni Barnabarn Helgu Steffensen blæs lífi í Brúðubílinn Lífið Uglumorð, auglýsingar og dauði internetsins Menning Sviptir hulunni af þrettánda barni Musks Lífið Conclave og Emilia Perez bestu myndirnar á BAFTA Lífið Helen Óttars í alþjóðlegri nærfataauglýsingu Tíska og hönnun Fleiri fréttir Dansandi lögreglukór og fangarnir í Sniglabandinu Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Ómerkilegir þættir um merkilega konu Litríkar umbúðir en lítið innihald Illa bruggaðar Guðaveigar Vínartónleika skorti léttleika: Dansararnir stálu senunni Kynferðislega ófullnægður forstjóri finnur sér ungan graðfola Nýársswing með handbremsu Getuleysi á stóra sviðinu Barist um arfinn í Borgó Sjá meira
Bækur Martröð millanna Óskar Hrafn Þorvaldsson Óskar Hrafn Þorvaldsson er nýjasti spennusagnahöfundurinn í íslenskum bókmenntum. Hann er velþekktur sem blaðamaður, síðast sem fréttastjóri Stöðvar tvö og Vísis, og þekkir sem slíkur vel til íslensks viðskiptalífs og innviða þess. Titill fyrstu glæpasögu hans gefur innihaldið skýrt til kynna. Martröð millanna fjallar um eftirköst kreppunnar og áhrif þeirra á nokkra íslenska milljarðamæringa, nánar tiltekið þrjá skólafélaga úr Versló sem flugu hátt á tímum góðærisins. Sá ríkasti þeirra, piparsveinninn og glaumgosinn Reynir Sveinn, kemur til Íslands í stutta ferð í brúðkaup systur sinnar og er myrtur á hrottalegan hátt. Sagan sem fylgir í kjölfarið greinist í fernt. Við fylgjumst með rannsókn lögreglu á morðinu, blaðamönnum á Dagblaðinu sem líta á morðið sem algera gullnámu fyrir fyrirsagnir og tilheyrandi metsölu, lífi morðingjans og að lokum er stór hluti sögunnar upprifjun á forsögu málsins og ferli félaganna þriggja. Það fer ekki framhjá neinum að Óskar notar miskunnarlaust ýmislegt úr fari og sögu íslenskra útrásarvíkinga við mótun persóna sinna, útrásarvíkingarnir Reynir Sveinn, Steinn Þorri og Jón eiga það sameiginlegt að vera óttalegir skíthælar og óhófsmenn á flest. Í sögunni eru skrautlegar lýsingar á hlutum sem flestir þekkja af óljósum sögusögnum: óhófi og sukki í partíhaldi, þar sem eiturlyf, kampavín og vændi leika aðalhlutverkið og þar fram eftir götunum. Þessu er öllu lýst af lítilli samúð, millarnir eru fremur óspennandi persónur, hégómlegir og sjálfumglaðir og kæmi ekki á óvart þótt þetta væri raunsæ lýsing á sumum útrásarvíkinganna. Martröð millanna er eins og sýnisbók um allt sem tilheyrir heimi íslenskra glæpasagna undanfarin ár. Hér er mansal og vændi, austurevrópskir glæpamenn í slagtogi við íslenska kollega, miðaldra lögregluforingi og stressaðir blaðamenn sem eltast við forsíðufréttir. Þeir einu sem eru fjarverandi að mestu - og kemur kannski einhverjum á óvart - eru eigendur dagblaðsins, þeirra ljóti haus gægist bara einu sinni úr vegg og þeir hafa engin teljandi áhrif á söguna. Þessi frumraun Óskars Hrafns við glæpasöguskrif er ágætlega heppnaður harðsoðinn krimmi, hann vinnur vel úr þeim sagnaheimi sem skapast hefur í íslenskum krimmum. Það eru einstaka brotalamir á plottinu - hver trúir því til dæmis að leigumorðingi panti sér flugmiða til útlanda viku eftir morðið í stað þess að drífa sig strax úr landi? En þetta skiptir ekki öllu máli og í heildina er sögufléttan ágætlega gerð. Niðurstaða: Martröð millanna er ekki frumleg glæpasaga en stendur ágætlega fyrir sínu og lýsir vel öfgunum og ruglinu sem einkenndu þátttakendur í útrásinni.
Mest lesið „Ég sá fyrir mér að ég myndi deyja langt fyrir aldur fram“ Lífið Selja á Laugavegi og bíða eftir erfingja Lífið Bryan Adams til Íslands Lífið Stjörnulífið: Ástin í algleymingi og fáklæddar ofurskvísur Lífið Dansandi lögreglukór og fangarnir í Sniglabandinu Gagnrýni Barnabarn Helgu Steffensen blæs lífi í Brúðubílinn Lífið Uglumorð, auglýsingar og dauði internetsins Menning Sviptir hulunni af þrettánda barni Musks Lífið Conclave og Emilia Perez bestu myndirnar á BAFTA Lífið Helen Óttars í alþjóðlegri nærfataauglýsingu Tíska og hönnun Fleiri fréttir Dansandi lögreglukór og fangarnir í Sniglabandinu Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Ómerkilegir þættir um merkilega konu Litríkar umbúðir en lítið innihald Illa bruggaðar Guðaveigar Vínartónleika skorti léttleika: Dansararnir stálu senunni Kynferðislega ófullnægður forstjóri finnur sér ungan graðfola Nýársswing með handbremsu Getuleysi á stóra sviðinu Barist um arfinn í Borgó Sjá meira