Jenny McCarthy gripin í kossaflensi í Las Vegas

Jenny McCarthy virðist vera búin að jafna sig á sambandsslitunum við leikarann Jim Carrey. Nýverið sást til hennar kyssa annan mann á dansgólfi í Las Vegas eftir að hún hafði farið út á lífið með systur sinni og nokkrum vinkonum.

Eftir að hafa snætt gómsætan humar á steikhúsi fór Jenny á Playboy-klúbb og var þar í góðum gír með nýja manninum. Hin 37 ára Jenny, sem er fyrrum Playboy-fyrirsæta, hætti með Carrey í síðasta mánuði eftir fimm ára samband. Þrátt fyrir það ætla þau áfram að vera vinir.