Brynhildur Björnsdóttir: Málsháttatal Brynhildur Björnsdóttir skrifar 9. apríl 2010 06:00 Þá er lokið stærstu málsháttaveislu ársins. Milljón málshættir, dulbúnir sem súkkulaðiegg og umvafðir sælgæti í skrjáfpappír, hafa nú runnið inn í hug og hjarta landsmanna og -kvenna öllum til umhugsunar og vonandi sumum til hugljómunar. Það er frábært hversu margir hafa áhuga á málshættinum inni í páskaegginu, sumir réttlæta jafnvel óhóflega súkkulaðineyslu um páska með því að þeir kaupi páskaeggin bara fyrir málshættina. Einhverjir líta á málsháttinn sinn sem skilaboð frá framtíðinni, að eggið sé myndlíking fyrir framtíð sem enginn veit hvað ber í skauti sér annað en fullt af súkkulaði og síðan leyndardómsfull skilaboð um hvað sé í vændum eða hvernig sé best að haga lífi sínu fram að næstu páskum. Margir settu málsháttinn sinn (enginn þorir að viðurkenna að hafa fengið fleiri en einn) sem stöðu á fésbókinni. Ég gerði það ekki. Þið sem söknuðuð míns málsháttar úr flórunni fáið hann hér: Betri er lítill fiskur er tómur fiskur. Sem segir mér að litlu ungarnir sem skrifa málshættina í skemmtilegu súkkulaðiverksmiðjunni (sem minnir ekkert á barnaþrælabúðirnar þar sem alvöru súkkulaði er búið til) láti ekki prófarkalesa skrif sín. Trúleysinginn á heimilinu fékk: Trúin flytur fjöll. Málsháttaunnendur eru þó ekki skildir eftir grátandi á berangri eftir páskana, því finna má málshætti og heilræði víðar en í páskaeggjum. Til dæmis í dagbókum frá dagbókaútgáfunni Varmá sem sér mörgum fyrirtækjum fyrir dagbókum handa starfsmönnum. Þar má rekast á frábæra og sjaldséða málshætti, heilræði og gamanmál sem auðga daga og vikur þeirra sem þurfa að skipuleggja sig á vinnustað. Ég á svona bók og hlakka til í ágúst þegar ég get velt fyrir mér setningunni: „Jafnvel fegursta kona getur ekki gefið meira en hún á". Í október býðst mér að hugleiða að: „kvenkyn allra tegunda er hættulegast þegar það sýnist vera að hopa" og í þriðju viku desember skal brjóta heilann um þetta: „Það var leiðinlegt í saumaklúbbnum í kvöld - þær mættu allar." Í mars fékk ég hins vegar að smjatta á spekinni: „Frjálsar fóstureyðingar eru eingöngu studdar af fólki sem þegar hefur fengið að fæðast." Ef einhver þykist sjá kvenfyrirlitningu í þessum orðum, og jafnvel beinar árásir á ungar konur, ætti sá hinn sami að líta á eigið barn og muna að aldrei er góð ýsa of oft freðin og ei var hátíð fátíð í þátíð. Sem það nú er. Viltu birta grein á Vísi? Sendu okkur póst. Senda grein Brynhildur Björnsdóttir Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Íslenskir flóttamenn - í okkar eigin landi Gunnar Magnús Diego Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Magga Stína! Helga Völundardóttir Skoðun Transumræðan og ruglið um fjölda kynja Einar Steingrímsson Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Þá er lokið stærstu málsháttaveislu ársins. Milljón málshættir, dulbúnir sem súkkulaðiegg og umvafðir sælgæti í skrjáfpappír, hafa nú runnið inn í hug og hjarta landsmanna og -kvenna öllum til umhugsunar og vonandi sumum til hugljómunar. Það er frábært hversu margir hafa áhuga á málshættinum inni í páskaegginu, sumir réttlæta jafnvel óhóflega súkkulaðineyslu um páska með því að þeir kaupi páskaeggin bara fyrir málshættina. Einhverjir líta á málsháttinn sinn sem skilaboð frá framtíðinni, að eggið sé myndlíking fyrir framtíð sem enginn veit hvað ber í skauti sér annað en fullt af súkkulaði og síðan leyndardómsfull skilaboð um hvað sé í vændum eða hvernig sé best að haga lífi sínu fram að næstu páskum. Margir settu málsháttinn sinn (enginn þorir að viðurkenna að hafa fengið fleiri en einn) sem stöðu á fésbókinni. Ég gerði það ekki. Þið sem söknuðuð míns málsháttar úr flórunni fáið hann hér: Betri er lítill fiskur er tómur fiskur. Sem segir mér að litlu ungarnir sem skrifa málshættina í skemmtilegu súkkulaðiverksmiðjunni (sem minnir ekkert á barnaþrælabúðirnar þar sem alvöru súkkulaði er búið til) láti ekki prófarkalesa skrif sín. Trúleysinginn á heimilinu fékk: Trúin flytur fjöll. Málsháttaunnendur eru þó ekki skildir eftir grátandi á berangri eftir páskana, því finna má málshætti og heilræði víðar en í páskaeggjum. Til dæmis í dagbókum frá dagbókaútgáfunni Varmá sem sér mörgum fyrirtækjum fyrir dagbókum handa starfsmönnum. Þar má rekast á frábæra og sjaldséða málshætti, heilræði og gamanmál sem auðga daga og vikur þeirra sem þurfa að skipuleggja sig á vinnustað. Ég á svona bók og hlakka til í ágúst þegar ég get velt fyrir mér setningunni: „Jafnvel fegursta kona getur ekki gefið meira en hún á". Í október býðst mér að hugleiða að: „kvenkyn allra tegunda er hættulegast þegar það sýnist vera að hopa" og í þriðju viku desember skal brjóta heilann um þetta: „Það var leiðinlegt í saumaklúbbnum í kvöld - þær mættu allar." Í mars fékk ég hins vegar að smjatta á spekinni: „Frjálsar fóstureyðingar eru eingöngu studdar af fólki sem þegar hefur fengið að fæðast." Ef einhver þykist sjá kvenfyrirlitningu í þessum orðum, og jafnvel beinar árásir á ungar konur, ætti sá hinn sami að líta á eigið barn og muna að aldrei er góð ýsa of oft freðin og ei var hátíð fátíð í þátíð. Sem það nú er.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun