Bannað á jólunum 1. desember 2009 13:26 Gullfallegur nýfallinn snjórinn nú á sunnudaginn og kakómorgunn með litlu fjölskyldunni kom mér í leiftrandi gott jólaskap. Ég kveikti á kertum og gróf upp uppáhaldsjólatónlistina mína: hátíðlega miðaldasálma og Christmas with Elvis. Augljóst framhald var að halda niður í bæ og horfa á Óslóartréð tendrað á Austurvelli. Í mannþrönginni heyrðist lítil rödd við hliðina á mér. „Pabbi, hvar er jólasveinninn?“ Faðir barnsins hélt greinilega að hæðnisleg fyndni væri það sem koma skal á jólunum og lýsti yfir með skrýtnu brosi: „Það kemur enginn jólasveinn elskan.“ Við tók tryllingslegur hlátur. Barnið sagði ekki neitt og leit skilningslítið á hann. Til frekari útskýringar hélt maðurinn áfram, „það er kreppa! Hahahahhahaha.“ Stúlkan leit á hann rannsakandi augum og spurði: „Nei en pabbiiiiiiiiii. Hvar eeeeeeeer hann?“ Faðirinn, sem hélt greinilega í eitt augnablik að hann væri Þorsteinn Guðmundsson með uppistand, leit stoltur í kringum sig og svaraði, „ætli hann sé ekki úti í löndum að borga fyrir okkur Icesave.“ Hó hó hó. Ég ætlaði að forða mér burt úr kulda og biturleika Austurvallar þegar önnur lítil stúlka kallaði. „Ég vil ekki sjá þessa jólasveina. Þetta er bara gervi. Mamma og pabbi segja að jólasveinar séu bara þjóðsaga.“ Ég dró börnin í burt frá þessu ofurraunsæi sem ætlaði að drepa jólin og vonaði að þau gætu haldið í vonina um vinalegan lítinn karl sem kæmi inn um gluggann með pakka í skóinn eftir tvær vikur. En það eru margir að reyna að stela jólunum þessa dagana. Blöð og tímarit eru uppfull af auglýsingum frá líkamsræktarstöðvum um að koma sér í form fyrir hátíðarnar. Heilsuspekúlantar segja okkur að það sé dauðasynd að fara að eyðileggja allt sem við höfum lagt á okkur í ræktinni undanfarið ár með jólaátkasti. Best er bara að fá sér smá smakk í jólaboðunum segja þeir með yfirlætislegum svip. Jólaútlitið í ár er að líta út eins og tálguð kanilstöng með sixpack. Í útvarpinu ómar hið árlega flóð af vondum jólalögum. Geðveikisleg strumpalög og hryllingurinn úr Pottþéttum jólum sker í eyrun. Já, þegar það kemur að jólum hef ég komið mér upp góðum vana. Útiloka umheiminn, kveikja á kerti og tónlist og finna aftur jólin sem Trölli stal. Viltu birta grein á Vísi? Sendu okkur póst. Senda grein Mest lesið Hefur ítrekað hótað okkur áður Hjörtur J. Guðmundsson Skoðun Halldór 02.08.2025 Halldór Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Bandaríkin voru alltaf vondi kallinn Karl Héðinn Kristjánsson Skoðun Áform um að eyðileggja Ísland! Jóna Imsland Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Fólkið í flokknum Helgi Áss Grétarsson Skoðun Kæfandi klámhögg sveitarstjóra Jón Trausti Reynisson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Landsvirkjun hafin yfir lög Björg Eva Erlendsdóttir Skoðun
Gullfallegur nýfallinn snjórinn nú á sunnudaginn og kakómorgunn með litlu fjölskyldunni kom mér í leiftrandi gott jólaskap. Ég kveikti á kertum og gróf upp uppáhaldsjólatónlistina mína: hátíðlega miðaldasálma og Christmas with Elvis. Augljóst framhald var að halda niður í bæ og horfa á Óslóartréð tendrað á Austurvelli. Í mannþrönginni heyrðist lítil rödd við hliðina á mér. „Pabbi, hvar er jólasveinninn?“ Faðir barnsins hélt greinilega að hæðnisleg fyndni væri það sem koma skal á jólunum og lýsti yfir með skrýtnu brosi: „Það kemur enginn jólasveinn elskan.“ Við tók tryllingslegur hlátur. Barnið sagði ekki neitt og leit skilningslítið á hann. Til frekari útskýringar hélt maðurinn áfram, „það er kreppa! Hahahahhahaha.“ Stúlkan leit á hann rannsakandi augum og spurði: „Nei en pabbiiiiiiiiii. Hvar eeeeeeeer hann?“ Faðirinn, sem hélt greinilega í eitt augnablik að hann væri Þorsteinn Guðmundsson með uppistand, leit stoltur í kringum sig og svaraði, „ætli hann sé ekki úti í löndum að borga fyrir okkur Icesave.“ Hó hó hó. Ég ætlaði að forða mér burt úr kulda og biturleika Austurvallar þegar önnur lítil stúlka kallaði. „Ég vil ekki sjá þessa jólasveina. Þetta er bara gervi. Mamma og pabbi segja að jólasveinar séu bara þjóðsaga.“ Ég dró börnin í burt frá þessu ofurraunsæi sem ætlaði að drepa jólin og vonaði að þau gætu haldið í vonina um vinalegan lítinn karl sem kæmi inn um gluggann með pakka í skóinn eftir tvær vikur. En það eru margir að reyna að stela jólunum þessa dagana. Blöð og tímarit eru uppfull af auglýsingum frá líkamsræktarstöðvum um að koma sér í form fyrir hátíðarnar. Heilsuspekúlantar segja okkur að það sé dauðasynd að fara að eyðileggja allt sem við höfum lagt á okkur í ræktinni undanfarið ár með jólaátkasti. Best er bara að fá sér smá smakk í jólaboðunum segja þeir með yfirlætislegum svip. Jólaútlitið í ár er að líta út eins og tálguð kanilstöng með sixpack. Í útvarpinu ómar hið árlega flóð af vondum jólalögum. Geðveikisleg strumpalög og hryllingurinn úr Pottþéttum jólum sker í eyrun. Já, þegar það kemur að jólum hef ég komið mér upp góðum vana. Útiloka umheiminn, kveikja á kerti og tónlist og finna aftur jólin sem Trölli stal.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun