Að sparka eins og stelpa Ragnheiður Tryggvadóttir skrifar 12. febrúar 2009 06:00 Frasinn að sparka eins og stelpa er gjarnan notaður þegar einhver hefur þótt sparka illa. Að kasta eins og stelpa eða hlaupa eins og stelpa þykir víst líka slæmt. Drengir ganga sjálfkrafa út frá því að þeir standi stúlkum framar í flestu. Mörgum þeirra líkar því illa ef kona skákar þeim á einhvern hátt. Í salnum þar sem við krakkarnir spiluðum fótbolta í barnaskóla í gamla daga var borðum og stólum staflað upp í einu horninu til geymslu. Reglurnar voru þær að ef boltinn lenti undir borðunum var hann á frísvæði. Það lið sem náði honum fyrst átti innkastið. Einhvern tímann þótti mótspilara mínum ég sækjast fullhart eftir boltanum undir borðunum og reiddist þegar ég hafði hann undir. Hann kallaði mig brussu marga daga á eftir. Á borðtennismóti í sama skóla stóð keppnin um þrjú efstu sætin milli mín og tveggja drengja. Ég varð í öðru sæti en drengurinn sem lenti í því þriðja reiddist svo að hann braut borðtennisspaðann á tennisborðinu. „Ég spyr bara eins og fávís kona," segir fólk gjarnan þegar því finnst það þurfa að afsaka heimskulegar spurningar. Karlmenn gera „góðlátlegt" grín að konum, að þeim haldist illa á peningum. Konur eru ekki einungis dæmdar af orðum sínum eða gjörðum heldur líka fyrir klæðaburð og vöxt. Þannig komst Angela Merkel, kanslari Þýskalands, í fréttirnar nýlega, fyrst kanslara að ég held, fyrir ljótan klæðaburð. Ég hef jafnvel heyrt því fleygt að Katrín Jakobsdóttir menntamálaráðherra sé of „stelpulega klædd" fyrir embættið! Körlum þykir erfitt að taka við tilmælum frá konu og nú þegar forsætisráðherraembættið er í fyrsta sinn í höndum konu stendur Jóhanna í ströngu. Seðlabankastjóri þykist ekki þurfa að taka mark á henni og forveri hennar Geir gaf tóninn þegar hann vitnaði í eldgamla klisju um konur og kallaði hana eyðslukló! „Góðlátlegt" grín þar. Sjálfsagt taka kynin misjafnlega á málefnum enda eru þau ekki eins sem betur fer. Það að hlaupa eins og stelpa er hins vegar alls ekkert slæmt, hvað þá að sparka eins og stelpa. Það þarf Davíð seðlabankastjóri að skilja. Hann gerir það kannski, þegar hann fær sparkið út úr Seðlabankanum. Jóhanna! Sparkaðu honum eins og stelpa! Viltu birta grein á Vísi? Sendu okkur póst. Senda grein Ragnheiður Tryggvadóttir Mest lesið Halldór 24.05.2025 Halldór #blessmeta - önnur grein Guðrún Hrefna Guðmundsdóttir Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Stéttarkerfi Halldóra Lillý Jóhannsdóttir Skoðun Hvers virði er lambakjöt? Hafliði Halldórsson Skoðun Daði Már týnir sjálfum sér Heiðrún Lind Marteinsdóttir Skoðun Nú þurfa foreldrar að vera hugrakkir Jón Pétur Zimsen Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Frasinn að sparka eins og stelpa er gjarnan notaður þegar einhver hefur þótt sparka illa. Að kasta eins og stelpa eða hlaupa eins og stelpa þykir víst líka slæmt. Drengir ganga sjálfkrafa út frá því að þeir standi stúlkum framar í flestu. Mörgum þeirra líkar því illa ef kona skákar þeim á einhvern hátt. Í salnum þar sem við krakkarnir spiluðum fótbolta í barnaskóla í gamla daga var borðum og stólum staflað upp í einu horninu til geymslu. Reglurnar voru þær að ef boltinn lenti undir borðunum var hann á frísvæði. Það lið sem náði honum fyrst átti innkastið. Einhvern tímann þótti mótspilara mínum ég sækjast fullhart eftir boltanum undir borðunum og reiddist þegar ég hafði hann undir. Hann kallaði mig brussu marga daga á eftir. Á borðtennismóti í sama skóla stóð keppnin um þrjú efstu sætin milli mín og tveggja drengja. Ég varð í öðru sæti en drengurinn sem lenti í því þriðja reiddist svo að hann braut borðtennisspaðann á tennisborðinu. „Ég spyr bara eins og fávís kona," segir fólk gjarnan þegar því finnst það þurfa að afsaka heimskulegar spurningar. Karlmenn gera „góðlátlegt" grín að konum, að þeim haldist illa á peningum. Konur eru ekki einungis dæmdar af orðum sínum eða gjörðum heldur líka fyrir klæðaburð og vöxt. Þannig komst Angela Merkel, kanslari Þýskalands, í fréttirnar nýlega, fyrst kanslara að ég held, fyrir ljótan klæðaburð. Ég hef jafnvel heyrt því fleygt að Katrín Jakobsdóttir menntamálaráðherra sé of „stelpulega klædd" fyrir embættið! Körlum þykir erfitt að taka við tilmælum frá konu og nú þegar forsætisráðherraembættið er í fyrsta sinn í höndum konu stendur Jóhanna í ströngu. Seðlabankastjóri þykist ekki þurfa að taka mark á henni og forveri hennar Geir gaf tóninn þegar hann vitnaði í eldgamla klisju um konur og kallaði hana eyðslukló! „Góðlátlegt" grín þar. Sjálfsagt taka kynin misjafnlega á málefnum enda eru þau ekki eins sem betur fer. Það að hlaupa eins og stelpa er hins vegar alls ekkert slæmt, hvað þá að sparka eins og stelpa. Það þarf Davíð seðlabankastjóri að skilja. Hann gerir það kannski, þegar hann fær sparkið út úr Seðlabankanum. Jóhanna! Sparkaðu honum eins og stelpa!
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun