Fiskisúpa Bergþórs

Bouillabesse (bújabess) er ættuð frá Marseille í Suður-Frakklandi. Ekki er vitað af hverju súpan heitir þetta, en hugsanlegt er að orðið standi fyrir soð abbadísarinnar (bouille-abbesse) eða niðursoðið soð (bouillon abbaissé)?

Einkennisbragð súpunnar er blanda af saffrani, fenniku og appelsínu (berkinum), en mikilvægt er að fiskurinn sé ferskur, eins og alltaf.

Fyrst er soðið búið til. Soðið er hægt að útbúa í miklu magni og frysta í hæfilegum skömmtum, henda síðan út í það ferskum fiski og grænmeti og þá er hún alltaf eins og ný. Hlutföllin eru ekki mikilvæg, t.d. geta þeir sem fylgja „dönsku" vigtarráðgjöfinni mælt rétt hlutföll af fiski, grænmeti og brauði.

Sjóðið allt saman í 1-2 lítrum af vatni í 20 mínútur. Gott er að setja skvettu af hvítvíni eða mysu út í. Sigtið (velkomið að borða föstu fæðuna, ef þið eruð orðin mjög svöng).

Steikið lauk, hvítlauk og blaðlauk (hvíta hlutann) í góðri jómfrúarólívuolíu. Soði bætt í svo það fljóti yfir, ásamt kartöflu- og tómatbitum og kryddpokanum.

Látið sjóða, saltað með Maldon salti. Fiskbitarnir settir út í, þéttari fiskur fyrst, t.d. skötuselur og lausari síðar, t.d. þorskur. Suðan látin koma upp. Tilbúið.

Klippið steinselju yfir.

Hitið ofn í 150°C. Merjið hvítlaukinn út í olíuna og penslið brauðsneiðarnar með henni. Setjið þær í einu lagi í eldfast fat. Bakið þar til þær eru ristaðar, um 30 mín.

La rouille („ryð"):

Blandið 3 eggjarauðum og Dijon sinnepi í skál. Hellið ólífuolíu smám saman út í meðan þið þeytið með gaffli. Bætið við krömdum hvítlauk, pipar og saffrani.

Hellið súpunni í skálar, dýfið brauðinu í „la rouille" og borðið með.

Rabarbarinn er skorinn niður þannig að hann fylli rúmlega botninn á eldföstu móti. Smjörið er brætt og öllum þurrefnum bætt út í það. Hrært saman. Potturinn er svo tekinn af eldavélarplötunni og eggjunum blandað út í. Þegar búið er að hræra þessu öllu saman er það sett yfir rabarbarann í mótinu og bakað við 180gráður í 20 til 30 mínútur.

Borið fram með þeyttum rjóma eða bara því sem fólki dettur í hug.