Kartöfluréttur Bubba og speltbrauð

Kartöflur og gulrætur soðnar.

Beikonið skorið í litla bita og steikt á pönnu. Laukurinn skorinn smátt og léttsteiktur á pönnunni sér.

Þegar kartöflur og gulrætur eru soðnar eru þær þerraðar og settar í skál og stappaðar saman. Síðan er beikonið sett útí og laukurinn.

Svo er smjörið einnig sett útí. Allt stappað saman. Kryddað með svörtum pipar og síðan sett í ofnfast fat og í ofninn í nokkrar mínútur.

Berið síðan fram með þessu gufusoðna grænmetið og setjið á það smá smjör (má einnig nota góða olíu) og sjávarsalt, t.d. Maldon salt.

Þurrefnunum er öllum blandað saman í skál. AB mjólkinni og heita vatninu hellt út í og blandað varlega saman við þurrefnin.

Síðan eru sólblómafræin og kúmenið (má einnig setja smá salt ef vill) sett út í og öllu blandað varlega áfram saman. Deigið er síðan sett í smurt brauðform og bakað í 25-30 mínútur við 200 gráðu C.

Bubbi setur svo iðulega aðrar kryddtegundir í brauðið þegar hann vill breyta til. Hrærið sem minnst í deiginu því þá verður brauðið létt í sér. Mjög gott er að rista brauðið næstu daga á eftir. Það er að segja ef það er bakað í brauðformi en ekki bolluformi eins og Bubbi gerir að þessu sinni.

Bubbi mælir svo með íslenska smjörinu á heitar bollurnar og smá sjávarsalt og það er algjört sælgæti.